Press "Enter" to skip to content

Vice Senior General Soe Win Le Australia Ralbawi Admiral David Johnson AO Ran An I Chawn

Vice Senior General Soe Win Le Australia Ralbawi Admiral David Johnson AO Ran An I Chawn
============================================

Feb 22, zanlei ah khan Myanmar ralkap in Vice Senior General Soe Win le Australia ralkap i Vice Chief of the Defence Force a simi Admiral David Johnston AO RAN phone in an i chawn tiah ralkap lei nih an thanh.

An i chawnhnak ah cun Vice Senior General Soe Win nih State Administration Council nih Democracy le Federal hramhbunh in sermi 2008 phunghrampi ningin rampi nawlngeihnak caankarlak an laknak chungmi a si i SAC nih tuah dingmi pa 5 a ser cang i hman liomi ramkhel, sipuaizi le remdaihnak, ramleng pehtlaihnak phung hna cu thlenmi um loin kan pehzulh ko tiah a chim.

Cu pinah Vice Senior General Soe Win nih cun “Myanmar ralkap cu Australia ralkap bantukin democracy kan upat i democracy ram ah cun ahopaoh nih zulhphung he i kalh loin dai tein duhnak/duhlonak langhter khawh a si tiah palik tha tein an theih ko. Cun Naypyidaw, Mandalay le Mawlamyian i lam a zawhmi hna cu ruru hranghrang (riot) le misual bu (Anarchy mob) bantuk tiang an phan i a nem khawh chungin kan lehrulh hna. Hmundang i lam a zawhmi hna cu hriamnam hmang in lehrulhnak a um i palik nih phunglam ning tein rian an tuan ko” ti zongin a chim chap.

Cu hnuah Vice Admiral David Johnston AO RAN nih theih a duhmi pawl kha biahalnak a ngei i Vice Senior General Soe Win nih lehnak le chimfiannak a ngei tiah theih a si.

Hi tiang lawng hi Myanmar ralkap lei nih an thanh. Australia lei nih an thanhmi kan hmu rih lo, an thanh ahcun tlamtling deuh in kan vun tial than te lai.

Crd: Chin Post
Ref: Eleven Media

Be First to Comment

Leave a Reply

Your email address will not be published. Required fields are marked *