Press "Enter" to skip to content

Vote Reltu Minung Pahnih Hna Cu Case 41 An Ngei, Fak Taktak In Hrem An Si Lai

US rampi thimnak buaibai nak a tlungmi kong i vote lem a tuahtu le a hram hram loin vote dikte in a rel duhlo mi i puhmi minung pahnih hna cu case 41 tleih khawh an si i hremnak fak taktak a ing khomi dirhmun ah an dir tiah ttheih a si. Vote rello i a tom tom i chiahmi le vote relnak seh a tthalo mi hmanmi le, mithi ciami min i vote thlakmi ti pawl cu hmuh awk a tam ngai ngai.

Tutan minung pahnih hna hi Carlos Antono Bourbon Montenegro ( kum 53 ) le Marcos Raul Arevalo ( kum 34 ) mi an si i Los Angeles County District Attoney’s Office nih case an tuahpiak mihna an si. an case pawl cu midang dehhlen, vote dik lomi rel, vote relnak seh lem midang sin i zuar le, vote rel dik lo 10, seh lem tuah 7,vote lem kuatmi 7 ,a caan te ah vote kuat thlu duh lo,caan karlak i thil diklo rak tuah ti bantuk pawl an si. Montenegro nihcun July thla le October thla chungah vote lem 8,000 tluk a rak tuaktan dih tiah an chim. Montenegro cu kum 15 hrawng thawngtla kho dirhmun ah a um i Raul Arevalo cu kum 7 hrawng thawngtla kho dirhmun ah a um ve.

Geoargia Floyd County ah vote 2600 bak rel loin an chiahmi hmuh a si hnuah Fayett County zongah vote rel loin an chiahmi 2755 an hmuh tthan. hi hmun 2 cu Georgia State chung i a cangmi thil a si i kut bak i vote rlttha ding an ti nak hmun kha a si. Tu hi vite cu an rel thlu deng cang i result fiangfai ten theih khawh a si deng cang lai. Biden nih teinak a hmuhnak hmun kha a si i Trump nih a tei hnga maw Biden nih a tei tthiam te hngamaw ticu theih a si ciao loh. Pennsylvenia ,Machigan le Arizona ah State pum in result an phuang rih lo i Nevada ah vote diklo le mithi ciami vote cheukhat buaipi in rian an ttuan cuahmah liaopi a si. ( Breitbart )

Be First to Comment

Leave a Reply

Your email address will not be published. Required fields are marked *