Waatlaat Ah SAC Ralhrang Motor Hna Le SAC Rallam Sialtu Hna Cu Mipi Vengtu Ralkap Nih An Kahdoh Hna, Minung 20 An Thi, Hliamtuar An Tam (+Video)

April 28, Waatlaat peng SAC ralhrang motor hna le rallam sialtu hna cu mipi vengtu ralkap hna nih April 26/27 ah an kahdoh han caah SAC ralhrang minung 20 an thi i, SAC ralkap le Pyosawtee minung 20 hliamhma fak an tuar tiah thawngtheih a si

April 26, zing suimilam 10:00am hrawng ah Waatlaat peng rallam sialtu thazaang 200 hrawng cu Shwebo No. 23, Mipi vengtu ralkap hna nih an kahdoh hna i, SAC ralhrang le pyosawtee minung 20 hrawng hliamtuar an um tiah theih a si.

Video hi zohhmanh>>><<<

April 27, zaanlei sml. 1:30pm hrawngah Waatlaat khua nichuah lei ah SAC ralhrang motor 10 hna cu မုဆိုးခြုံ khua in an chuah cuahmah lioah မန္တလေး-မြစ်ကြီးနားလမ်း စိုင်နိုင်ဂွေ့ kam ah ရွှေဘို ယမ်းဘီလူးနှင့် မဟာမိတ် တပ်ဖွဲ့များဖြစ်သော ရွှေဘိုခရိုင် တပ်ရင်း ၂၃၊ ShweBo Defense Force SBDF၊ နောင်ရိုး ​ပျောက်ကြားတပ်ဖွဲ့၊ Burmese Dragon Force BDF hna nih an kahdoh hna i, motor 2 an hrawk dih cikcek, ralhrang minung 20 an thi tiah ယမ်းဘီးလူး တပ်ဖွဲ့က nih an langhter. Source; Khit Thit Media

Relchap; Amay Suu BIA Mipi Lawng BIAPIBIK In CDF Luban Hna Sin Cakuat. Mipi loin Ralhrang TEI khawh asilo, AMAY SUU Bia roling in caa kan kuat hna. Mipi loin MAH tei nan I timh sual maw? Mipi an lungdongh termi nan umtu nan ziaza, nan thuatham, nan hoiherh, nan ankaa, an lungput vialte kal tak cang uh. Ralhrang Bantukin Khuami uk ti hna hlah uh.

Paucan Dohthlennak KAN TEI TIK LAWNG AH: Chung tlin tein aa tawn ding kan si; Kan khuaram kan sersiam ṭhan lai; Kan innlo kan sak ṭhan lai; Thongtla le hremhmi hna an luat dih lai; Kan fa le caa an cawn ṭhan lai; Ram le miphun caah nunnak pektu kan fa le hna thlan ah kan len khawh hna lai; Kan ram le miphun a dam lai; Dindaihnak he a khat mi ZAUK pennak chung kan lut lai; Alamkip in kan ram le miphun a ṭhancho lai; Ralhrang le kawl pennnak a um ti lai lo kan chanchung ah; Mipi Tello in le mipi lungdongh buin Dohthlennak TEI khawh asilo.

Tlangcung mi nih kum (70) kawl ral kan tei lomi cu Mipi nih 100% an kan bawmh lo caah asi. CDF cu Chin mipi nih (101%) in kan I dirhpi hna. Nain CDF Luban le ralbawi ruangah mipi an lung a dong tuk cang. Rallokap zong kan ṭih I CDF zong kan ṭih cang mipi cu. CDF Hruaitu Luban le Ralbawi rual nih nan zia nan I thlen loh, nan kaltak lo ahcun, TEINAK he kan I hlat tuk te lai.

Paucan Dohthlennak kan sungh ahcun CDF Ralbawi rual nih MAH le Rallokap mui nan ken I, a thlarau nan ngeih caah asi lai. Cucaah ziaza maw nan I thlen lai, Ralbawi sinak in dah nan ṭum lai, nan duh I thim cang uh. Acan um lio te ah. Nanmah ruangah CDF tampi an kir I alut duh mi hna nih an duh ti lo. CDF lawng Dohthlennak tuah kan si lo ti hi CDF ralbawi nih nan hngalh tawn lo. Nan poi tak tak. Mikip Ralkap kan si, Dohthlennak tuahtu kan si ti zong hngalh cang uh. Mipi kan lungdongh pah in lungrual khawh asilo.

Lungrual loin ahohdah ral atei bal Chim tuah uh, CDF ralbawi hna. Hriamtlaih lawng aza lo dakaw. Rallokap thawngpang le umkal nak ngiar in thawngpang theih tertu kan si ah, Nan caah Spy tuah piaktu kan si ko lo maw. Click tampi kan tuah mi cu CDF bawmhtu kan si ve ko cu ta. Keybaord in raldohtu kan nih vialte zong Nan caah propaganda kan si ve. Kan ngeichia chawva, lungthin dik lakin kanin tel pi hna.

Kan mipum lawng asilo, zan mang tiang in kan in ṭanhpi hna dakaw. Mipi lungthian lakkhawh lo ahcun mipi thazang le ṭhawnnak hmang khawh lo asi. Mipi thazang loin namh khawh ding mi asilo tiah AMAY SUU nih a zumh. CDF ralbawi rual nih mah lawng cungnung nakin TEINAK nan duh. Chin mi sinah LAL zungzal nan duh. Lam nan I palh cang. Kha nan lam tlaunak in rak I merh cang ko uh. Rallokap thilri a cawk lo tu hi mipi kansi. Rallokap minung vialte Social punishment le Boycott tuahtu hi mipi kan si.

Ngunkhuai apek lo tu hi mipi kan si. Ngeichia chawva ngeih chun te an pek tu hna hi mipi kan si. Kenret ngeih loin Bukbau an hunh piak tu hna hi mipi kan si. Ziah duh poah in nan kan tlawng hnawk ko ee. Satan thlarau le MAH thlarau aa hrawlh rua ti awk in. Zalamtlang, ramlak le innlak ah duh poah in tlaih mi hrem mi thatmi hi mipi kan si. Kut lawng kansi caah,. Chai te hmanh angeih lomi mipi kan si.

Mipi nih pakhat hmanh bau lo tein an kan ṭanhpi ahcun Dalaan zong aum ti lailo. Hmunkhat ah kan namh khawh hna lai, arau hlan ah kan TEI fawn lai. Khamhlungpi dakaw, Mipi lungdongh ter buin, CDF upa lawng nih nan namh caah aa thawn khawh lo nak asicu. Nan zia I thlen uhlaw, nan lung ṭhum uhlaw, Mangtara lungpi ṭhial cu chimhlo, Chengpalang le Tili ah kan thlak diam cang hnga. AMAY SUU nih Mipi lawnglawng ati mi hi I cinken zungzal hram uh tiah kan nawl ko hna Zei kanti hnga Ka Bawipa te le. Crd; Zingtincuai Cinzah