Press "Enter" to skip to content

Wai Lu kyaw Tleihhrem Case In A Puh Tu Model Thin Thin Cu A Mual A Pho Ning Fak Tuk Cang

Myanmar model Thin Thin cu a hlan lio ah tleih hrem case a rak ngei cang tiah mipi nih an theih tikah a chuahkeh nak an khua mipi cungah a thin a hung ngai ngai tiin news nih a langhter.

Minta Wai Lu kyaw le Model Thin Thin kar lak i buai nak cu tuchun ni tiangah a dai kho rih lo. Hi an buai nak hi kum 1 a reng ti lo i, Model Thin Thin a sining, a tuan bia thing pawl a hun langh tik ah mipi an khua ruah a har ngai ngai.

Wai Lu Kyaw he an buai nak an ngei hlan ah Model zuamnak ah Thin Thin hi pakhat nak laksawng a co tu a si. Wai Lu Kyaw he buai nak an ngeih hlan pi ah, tleih hrem case a rak ngei cang i, cucu mi tlawmte lawng nih an theih.

Asinain Wai Lu Kyaw he case an ngeih than tik ah Model Thin thin kong lam hi an khua tiang an hlat hlai tik ah a tuan bia thing cu an va thei. Hi a tuanbia thing ah hin Thin Thin rak tlei hrem tu hi ting 30 a rak hal i, tei nak a hmuh ti tiang in an va theih chih.

A tuanbia thing cu Court ah an hal i, chimh awk zei hmanh a ngei lo. Model Thin Thin cu a ning a zak tuk hringhran i, an khua ah cun va kal in a honih dah ka tuanbia thing hi rak chim tiah a buai hnawh hna ti mi kong cu tu lio Myanmar online ah an tial i, a min a chai ngai ngai. laihlavideo

Thawngpang dang relchapa >>>>

Politics Kong Ca Ttial Hi Ka Sum Bikmi A Si Tulio MP Lak Ah Ning Cang Loin Rian Ttuan A Timh Tu Hna Nih Teinak Hmuh Duh Ah An Hmanmi Biafang Pakhat Ruangah Ka Lung Um Bia Langhter Ka Duh

Politics kong ca ttial hi ka sum bikmi a si. tulio MP lak ah ning cang loin rian ttuan a timh tu hna nih teinak hmuh duh ah an hmanmi biafang pakhat ruangah ka lung um bia langhter ka duh.

MP cuh ding in bia hmai an forh lio ahcun ram le miphun caah kaa zuam lai. ( An i timhmi cu ram le miphun caah riantuan le dawt ) Zeiruangah dah Chin miphun caah nunnak pek in a dir ngam mi CNF hi, ram le miphun caah rian ttuan le dawt a timh tu MP nih a rem lo i doh an timh hnga?

Cubantuk MP cu ram le miphun caah zumhtlak le bochanhtlak an si hnga maw? Ram le miphun caah maw, mah pumpak caah rian ttuan a timh cu an khuakhannak nih a langhter ko. Ram le miphun caah rian ttuan a timh tu nih cun CNF cu hmasa ah a chiah peng awk a si lo maw?

Term khat chung MP a ttuan cang mi, a tta CNF a si ruangah ti’n minung thlen tthan ding timhtuahnak a tuah MP cu kan miphun caah tih a nung bikmi nun a ngei tu a si lai lo maw? Party nih phung ning tein fehternak a tuah cang mi kha ning cang loin thlen a timh tu hi party si loin minung pakhat ruahnak a si pinah thazang petu khua/phu an um lai ti cu politics mit in hmuh khawh a si.
Ram le miphun kan dawt taktak ko a si ahcun a tta(CNF) mithmai zoh in dawt lam a um ahcun kan kawl piak awk hmanh a si lo maw? Fiakfairok cu minung lungthin a la kho bik vaa phunkhat a si nain kan ngeih chunhmi Ar vialte a seh that tu a si kan theih ko ahcun kan him ter awk a si lo. Chin miphun him seh

Note : NLD party nih CNF pa ruangah MP cuhnak lam a phih ahcun USDP (ralkap party) he a thli thup in rian ttuan ttan an lak tti tinak a si lai. thangkilung

Be First to Comment

Leave a Reply

Your email address will not be published. Required fields are marked *