Press "Enter" to skip to content

Yangon Massage Centre Pakhat ah Laipa A Va Kal i, A Hmun i Riantuantu Lainu he An i Tong i A Hmun ah Thil A Cang Mi

Riantuan timi cu a phun phun a um ve i, kanmah Chinmi chung zongin nupawl cu Bible sianginn an kai hnu ah Pathian rian tuan lemlo in ramdang ah a kalmi an tampi i ahlei in Singapore ah mi sinum in riana tuanmi tampi an um ve. Culawng silo in lainu tampi cu nulepa a si kho deuhmi cu an nulepa nih ramdang kal an sianh hna lo i an mah mit hmuh te ah thadam tein a um mi le rian a um mi poah a tuanmi zong tampi an um ve fawn.

Tuatan i kan rak langhter mi hi Yangon khuapi ah kan mah Lainu massage nak hmun ah riana tuan liomi nu kong a si i a hmun ah a va kalmi pa he an i komh ning le a mah sining a chim phuan mi pawl an si.โ€Na nulepa teh an dam rih maw tiah ka hal i โ€˜aw an dam rih ko a sinain ka pa hi mi damlo ngai a si caah rian zong a tuan kho lo i ka nu nih hin tihang zuarchom tein a kan cawm mi kan si i ka naule ah hin minung pahnih sianginn kailio mi an um ve caah keimah tal Yangon lei ah riantuan dingin i thawh ve ko ning ka ti caah Yangon ah hin riantuan ah ka rak ra ve i hi ka hmun ah hin ka tuan ve nak a si โ€˜tiah a ka leh.

Riandang deuh hna teh na kawlhawl deuh lo maw tiah ka hal than i โ€˜ kei cu cathiam zong ka si lo itanghra zong ka awn ve lo tik ah, cupin ah computer lei zong ka thiam lo i ka caah rian a har ngai i mah rian tu hi ka tuan ve lawlaw ko tiah a ka leh than .Singapore lei kal hna teh nai tim deuh lo maw? tiah ka hal than i โ€˜ aw Singapore lei kal zong hi ka rak i tim tuk ve ko nain ka cuap ah TB zawtnak a rak ngei balmi ka sinak a lang i ka kal kho lo, kal kho ning law cu a tha tuk ve hnga nain โ€˜tiah a ka leh than.

A chim than mi cu a hmasa ah cun keimah zong mi dawr hngah in kai hlawh ve ko nain thlakhat ah Kyat 150000 lawng ka hlawh i ka innman he ka eiman he cun kai cawm kho lo i khualei i ka chungkhar zong phaisa ka kua kho ve bak hna lo i, Mon ramthen lei in a ra mi ka hawinu nih massage ah ka tuan i na zuam ve maw tiah a ka hal i a dongh nak ah cun ka tuan ve lawlaw tiah a chim.

Nan hlawh teh zeidah a lawh tiah ka hal than i โ€˜ a ka lehmi cu minung pakhat kan hmeh hna ah hin section 1 a si i Kyat 1500 kan hlawh i nikhat ah minung 15 hi cu hmeh ding an um lengmang ko i tha deuh in kan hmeh mi hna lebang cu lakphak din nak an kan pek tawn i thlakhat ah ting 10 /15 hi cu kan hmuh peng ve ko โ€˜tiah a ka leh than .Atu kan tuan nak hna hi cu zuri le mi thalo zong an ra bal lo i mirum le phaisa ngei deuh lawngte a ra mi an si hna pin ah kan riantuan nak a ngeitu zong hi mifel an si i massage timi rian hi rak nek ding a si lem lo kan him tuk ko.

Mi thenkhat nih cun massage hi cu mi fel lo na si tiah a chim mi zong an um tawn nain a taktak ah cun mah cung ah ai hngat bak mi a si ko. Kanmah zong hi kan rian hi phun hnih in a um i oil hman i mi hmeh mi le oil hmanlo in hmeh mi a si i, oil hman mi belte cu an taklawng in an um i an zahmawh tu cu an i huh dih i an taksa vialte oil kan thuk hna. Cun kan mah kong tu ah cun zeihmanh himlo nak ding a um hrim lo tiah a chim fawn .A chim rih mi cu mirum le phaisa ngei pawl hi an rian ah an buai i an thinlung zong a bat ve tik ah inn ah le an nupi le nih an hmet cawk ve hna lo tik ah massage timi rian zong hi a um nak a si.

Na nulepa teh phaisa na kua kho pah hna maw tiah ka hal i โ€œthlakhat ah tingn 3 in ting 5 kar cu ka kuat khawh peng hna tiah a chim i , nai nuam maw tiah ka hal tik ah โ€ kai nuam ngai ko cathiam lo nih thlakhat ah ting 5 in ting 10 karlak hmuhkhawh peng ding ah cun hi rian lawng hi a si ko i kei zong phaisa hi bank ah kai khon ve i tamdeuh kai khon khawh tik ah cun khua ah ka tlung lai i rian fate ka dirh ve lai i hi ka rian hi cu ka mak ko lai โ€œtiah a ka leh than .Asi le kai lawm tuk ne , keizong kai lawm ve.

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *