Press "Enter" to skip to content

Yangon Pale Mei-That Zung ah Mitthli he Bomhnak A Va Hal Mi Nufa Hna (+Video)

Kum 34 mi nutung pakhat cu Yangon Pale Mi-tet zung ah a va kal i a mitthli he bomhnak a va hal hna . A mah hi Karen miphun a si i a pasal hi mi-tet rian a rak tuan vemi a si i a liamcia mi thla 3 ah khan a pasal nih a thih tak hna .A pasal a thihnak zong hi a riantuan nak (Mi-tet rian) in building cung in a tla i a thimi a si.

Fapate kum 5 hrawng a simi pakhat le a nupi hi a pawchung naute thla 6 mi he a pasal nih hin a kaltaak hna .Covid-19 boruak a si tik ah a nupi le naupawi he a si tik ah zeihmanh tuan kawl khawhmi an ngei ve tilo i harsa taktak in an um . An inn hlan mi man hi thlakhat ah Ks.40000 a si i thla 2 man an pe kho tilo i inn ngeitu nih thaizing ah nan pek khawhlo ah cun nan chuak cang lai tiah a ti hna.

Innngeitu nih a thawl hna ah cun Yangon ah a hohmanh theihmi le chungkhat zong an ngeih lo caah lamkam ah a vak vai ding an si cang .A donghnak khua a ruat ve i Pale Meithat zung ah a va kal i tu bantuk in bomhnak a va hal hna . Pale meithat phu hi mi harsa a bawm lengmangtu an si i kan hnulei zong ah kan mah laimi Tedim mi Thailand in a rak tlungmi minung 8 a rakm bawmtu kha an si.

Tutan zong ah a pasal nih a thihtaak mi naupawi liomi nu hi phaisa Ks.100000 an rak bomh i a herhmi na ngeih ah cun phone rak kan chawn than tiah an ti rih .Christmas lai a si i mi vialte thinlung ah lomhnak thla a si nain , mi tampi caah cun ngeihchiatnak thla le lunglen thla a si ve . Nang zong a tutiang damnak na hmuh i eiawk ngeilo lamkam i a vakmi minung tampi lak ah kha dirhmun ah an chiatu Pathian kha thangthat ve . Source : Myanmardailynews

Be First to Comment

Leave a Reply

Your email address will not be published. Required fields are marked *