Magwe ramtthen ah YDF nih SAC ralkap an tlaih , nan tlaih mi lan ralkap nan thlah lo ah cun mipi kan thah lai i inn kan duah hna lai tiah SAC ralkap nih an hro hna. SAC ralkap le YDF hna cu April 25 ah Akyi War Bin( အကြည်ဝါးဘင်း) khua pawngah an i kap ibYDF nih SAC ralkap Niang Lyin Aung cu an tlaih a hriamnam an lak piak.
SAC ralkap hruaitu pakhat nih YDF cu a kan pehtlaih i nan tlaihmi Niang Lyin Aung nan thlah lo ah cun mipi kan thah lai i inn kan duah lai tiah a kan hro hna tiah YDF nih nihin April 29 ni ah cathanh an chuah.
Myanmar Ram Pumpi In April 28, Nikhat Chung Ah SAC Ralkap 66 AnThi. Myanmar ram pumpi in dohthlennak tuah hnu April 28, 2022 nikhat chung kahdohnak ah SAC ralkap 66 an thi i PDF 2 a nunnak liam tiah Yangon Khit Thit nih a thanh.
Cazin ning ah SAC ralkap a thi mi hi Sagaing ramthen Salingyi(ဆားလင်းကြီး) ah 9, Watlet ah 20, Chin ramkulh Matupi ah 7, KNU bridage 5 hmunma ah 25 Magwe ramthen Myaing ah 5, an dih lak 66 an si. KNU bridage 5 hmunhma ah PDF 1,Yangon ramthen ah 1, an nunnak liam i 13 tlaih an tong. Credit; The Chin Post
Relchap; April 29, 2022, President Joe Biden cu May thla chung ah South Korea le Japan a phan lai. American president Joe Biden cu hmaithla ah South Korea le Japan a phan lai , chawlehnak le Venhimnak lei pawl an ram hrauitu pawl he biaruahnak an ngei lai. Biden cu Asian ah May thla 20 in 24 tiang a kal um lai tiah White house nih an chim.
South Korea ram, March thla I thimnak ah President dirhmun ah teinak a hmu tu hruaitu thar cu May thla 10 ah President rian an khinh ding mi hruai tu thar he zong Biden cu ton nak an ngei lai tiah theih a si. Japan minister Fumio Kishida he zong tonnak an ngei lai ,japan ram a um lio ah Quad ram 4 hruaitu pawl he zong I ton biaruahnak an ngei lai, asinain mah hi an I tonnak hi pumpak kal in maw a si lai , online in dah a si lai cu fiang in theih a si lo .
Quad phu hna cu American, Japan ,Auastralia le India hna an si. Quad ram li I tonnak hi Japan minister Shinzo Abe nih a hruai hna I Australia minister John Howard, American Vice president Dick Cheney le india minster Manmohan Singh hna lungtlin in 2007 ah an rak dirh mi a rak si .
Kalay – Gangaw lam pi zulh lo ding in Kalay PDF nih thawng an thanh. April 28,2022 ,Sagaing ramthen , kalay peng ah SAC ralkap le Mipi vengtu ralkap kar ah kah dohnak a fah caah mipi hna nih Kalay – Gangaw lam pi cu hmanh rih lo ding in Kalay PDF nih cathanh an chuah . “Atu hi kalay peng chung ah SAC nih naam an vun I timh cuahmah lio a si , An tlau pah langmang , khoi ka dah an phanh ti kan theih lo caah , zeibantuk hmun paoh ah I doh khawh kan si cucaah ralrinnak cathanh mipi sin ah ralrinnak cathanh kan chuah hi a si tiah “ Kalay PDF pakhat nih a chim theih a si .
Ralrinnak pek ning in nan zulh lo I lam pi nan hrawn sual cun a himnak ding a har lai cupinah a cang kho ding thil pawl zong a tam khawh caah mipi sin ralrin kan pek nak hna hi a si tiah a chim chap. Kalay thlanglei cu April 24 in nihin tiang I tukdohnak a peh , cun April 28 zong ah Myit Ta Myit pawng a ummi အရှေ့စည်း khua zong ah SAC ralkap le PDF fonh I kah dohnak a chuah zong theih a si. Crd; 21 The Chin Times
Be First to Comment