Press "Enter" to skip to content

Yaw-DF Nih Ralhrang Tam Taktak An Thah Than Hna, Hliam An Tam Ning Khuaruahhar Si

Magwe ramthen, Gangaw peng Gangaw- Htilin mawtaw lamlei, Maw Lay Gui (ေမာလယ္ေကြ႕) ah thazaang 200 hrawng tel in ralhrang mawtaw 5 cu Gangaw YDF nih lamtan in an kah hna i ralhrang 25 an thi 20 leng an hliam tiah YDF nih athanh.

November 19 ni zinglei suimilam 2:40 ah Gangaw- Htilin lamlei ah ara mi ralhrang mawtaw 5 le minung thazaang 200 hrawng cu YDF nih Bomb le kutcheh bomb hna in an kah an doh hna hi asi.

”November 19 zingka te ah ralhrang mawtaw 5 cu a hlan ah an hman tawn mi lam ah kal lo in Maw Lay(ေမာလယ္) lamthen in Gangaw lei ah an hel i an lut. Mah mawtaw hna cu YDF nih an bawh i kut chehmi bomb hna hmang in an kah hna ” tiah Yaw Eagle thawngzamh nak nih atial. Crd; The chin post

Relchap; American President Joe Bidden ngandamnak zohfelnak a ngeih kar ah Vice- President simi Kamala Harris cu november 19 , nizaan ah president caah karlak tthutdan a pek chung.

President Joe Bidden cu a pawpi le a rilpi ai thlop ding sii caah mitkuh sii an pek i Vice- President Kamal Harris nihcun minutes 85 chung Caan karlak President a ttuan.

President Joe Bidden tucu a dam tthan cang i a rian/ a tthutdan ah a tthu tthan cang tiah siibawi te nih an thanh.

Tu bantuk in caan karlak rian chan hi khuaruahar ding silo i American ram phunghrampi ning in tuah ttheomi siko tiah White house in biachimnak nawlngeitu nih a chim.

President Bush chan lio 2002 lio ah zong vice- President sin ah caan karlak president rian a rak pek bal ti asi. The federal times

Be First to Comment

Leave a Reply

Your email address will not be published.