Sagaing ramṭhen, YeOo (ရေဦး) peng, YeOo (ရေဦး)-Tamataw(တမာတော) – Ganthumah(ကံထူးမ) lam lei ah rallam a sialtu ralhrang phu hna cu bomb puahhnawh in doh an tong, tiah khuachung mi hna nih an chim. Ralhrang phu bomb puahhnawh in doh an tonnak kong ah YeOo (ရေဦး)-PDF nih anmah tuah mi a si, tiah an chim. Nihin January 24, zinglei suimilam 5:40 ah PDF nih an doh hna hi a si. Ralhrang phu chungtel a thi mi an tam kho nain zeizat dah an thih cu fiang tein theih a si rih lo.
Bomb puahhnawh in doh a tongmi ralhrang phu hna nih hriamngan he an duhnak hmun poh an kah caah cuka khua pawng um mi hna cu khuachung ah um ngam lo in hmun dang ah an zaam hna. Ralhrang phu hriamngan kahnak ruangah Pegyi(ပေကြီး) khua inn 2 zong a rawk, tiah khua mi nih an chim. Ayardaw (အရာတော်) peng, Awngtakung(အောင်သာကုန်း) khua in a chuak mi pyusawhtee telh in ralhrang phu hna motor 2 chung in pakhat cu Wayawng(ဝါရောင်း) khua nitlak lei ah pa-de-ta (ပဒေသာ) bomb lung 4 puahhnawh in doh an tong.
Ralhrang phu hna nih an duhnak hmun poh meithal an puah thlorh hnu ah pyusawhtee an i telnak motor cu pa-de-ta (ပဒေသာ) bomb lung 2 le hriamngan in an kah ṭhan hna i, pyusawhtee pakhat cu a hliamhma he tlaih a si. Tlaihkhih a tong mi pyusawhtee pakhat cu zaam a timh caah an kahthah, tiah theih a si. Cu kahdohnak ah cun Tapayngyu(သပြေညို)mipi ralkap, Ayardaw Bone Naing-PDF(A.B.N.PDF), Patamya Ngyinawng(ပတ္တမြားညီနောင်) phu, Knights Of The Red Land (KORL)phu, Ayardaw Falcon Force(AF2), M.R.T.F phu, The Guys Of Burma Revolution Force(GBRF) phu 8 fonh nih an doh hna, tiah theih a si. Khit Thit Media the chin poct
thawngdang…SAC Ralhrang Nih Demosu Ah Ralhrang Thazaang Tamngai Chap In Luhhnawh Dingin An I Tim. Karenni(Kayah)ramkulh,Demosu peng chung ah SAC ralhrang nih ralhrang(700) tluk si mi phu (2) then in luhhnawh dingin an i tim tiah Demosu PDF biachimnak nawlngeitu pakhat nih LuduNwayOo ah a chim.
Demosu peng i a bia pi mi hmunhma a si caah hmuhhak hmasat dingin an i timh si lo ah Karenni ram chung peng dangdang ah rianrang in kal an i timh a si kho tiah a chim chih. “Bawlakhe(ေဘာလခဲ)le peng dang hna ah ralhrang lei hmaikal phu hna cu riahcaw an ngei ti lo” tiah kan theih hna tiah PDF biachimnak nawlngeitu pakhat nih a chim.
Zahan Jan(23) Demosu peng, Sanpiah meng(6) khua,Hawpheih khua le Seihkunစိုက္ကြင္း(2) khua ah kahdohnak a chuak.Zing Sml(8:00) in zaan Sml(6:00) tiang an i kap. Ralhrang lei a thi mi le a khawng mi an tam i mizapi ralkap pakhat hliamhma a tuar.A hliamhma kong ah thinphang a si lo tiah KNDF nih an thanh.
Be First to Comment