Press "Enter" to skip to content

YLA thiltuah mi hi a hmun um ah zeitin dah na ruah. Na um kho ko lai maw miphun a daw mi pakhat dirhmun in (+Video)

Vapual Thawng Vapual Thawng “Kawl holh nan telh tuk mi nih ka nun a celh lo , ka au peng ko lai” na ti miphun daw Laiholh ttanh naa ti tutan YLA thiltuah mi hi a hmun um ah zeitin dah na ruah. Na um kho ko lai maw miphun a daw mi pakhat dirhmun in. A zaw ko mi tichung ah an pil ter. Fung in voi 2 cio an tuk. Siang Cunguk

Video a tanglei ah kan van thil chih.

Thawngpang dang relchap >>>>>>>>

๐๐ข๐๐ž๐ง ๐๐ฎ๐š๐ง๐œ๐จ๐ฆ๐ข ๐‡๐ซ๐š๐ฐ๐ก๐ฉ๐ข๐š๐ค ๐๐ข๐ง๐ ๐ข๐ง ๐’๐ž๐ง๐š๐ญ๐จ๐ซ๐ฌ ๐ฉ๐š๐ฐ๐ฅ ๐ง๐ข๐ก ๐š ๐ƒ๐จ๐ง๐ ๐ก๐ง๐š๐ค๐›๐ข๐ค ๐Š๐š๐š๐ซ๐ก๐ฅ๐š๐ง๐ง๐š๐ค ๐š๐ง ๐“๐ฎ๐š๐ก
====================================================================
Vote firnak kong hlathlai dingin Commission nih khua an khaan lo a si citcet ah cun Biden buancomi hi kan namhnehpiak ve lai lo, tiin US senators phu pakhat nih an chim. Senators le senators-elect 11 cu Ted Cruz nih a thithruai hna i, vote kong i tazacuainak zohthannak tuahnak dingah hihnu ni 10 caan laak rih dingin nawlnak an tuah. January 6 ah khin senators tam u nih Biden hi an dirpi te lai, tiin zumh a si cang caah, tutan i senators 11 an cawlcanghnak hi hlawh a tlin lai an zum theng lo.

Nihin tiang zongah Trump nih a sunghmi a cohlang duh rih lo i, tehte chuahpi tung lo in โ€˜vote firnak a umโ€™ tiin tu le tu a aupi peng ko rih. Election results a khupthal lehpiak dingin Trump a minung pawl nih tazacuainak an tuahmi pawl cu biaceihzung nih an hnonpiak dih hna. Nikum 2020 i Biden nih buan a conak state Pennsylvania ah Trump nih ballot tlawmte a thar in a hmuhchap mi dah, ti lo cu a dangah a hlawhtlinnak a um ti lo.

Vote fir a um, tiin Trump nih nolhcip in a chimmi kongah Vice President Mike Pence zong a aw aan a daideuh ngai cang. January 6 ah duhlonak langhter dingin lawmakers pawl timhlamhnak an ngeihmi kongah Mike Pence zong a lung a tling ngaingai, tiin a chief of staff Marc Short nih Saturday ah khan a chim. Kan hnung thla i US Electoral College nih bia an khiahmi namhneh dingin Congress pawl January 6 khi a ni an tuk cang. US Electoral College hi Nov. election lio i presidential candidates 2 nih state pakhat cio i an hmuhmi mark a namhnehtu an si.

Biden nih 306-232 in buan a co, tiin E. College an nih bia an chah cang ko nain, cu an biachahnak cu phungning tein Congress nih a namhneh ve hrimhrim a hau. Cu ti Congress nih namhnehnak a tuah a donghnak lei ah khin, Senate i an president dirhmun in Biden hi buancotu a si ko, tiin Vice-President Mike Pence nih a thanh te ding khi a s. Cu hnu cun Mr Biden le a vice-president Kamala Harris cu January 20, 2021 ah khin office lut dingin biakamnak an tuahter colh ve hna lai.

๐“๐ซ๐ฎ๐ฆ๐ฉ ๐š ๐ฆ๐ข๐ง๐ฎ๐ง๐  ๐ฉ๐š๐ฐ๐ฅ ๐ง๐ข๐ก ๐ณ๐ž๐ข๐๐š๐ก ๐š๐ง ๐๐ฎ๐ก๐ฆ๐ข ๐š ๐ฌ๐ข? : โ€œVote fir kong i tazacuainak siseh, election law (upadi) an buarmi siseh, vote kong i thil ai ningcanglo mi thil dangdang hi thitha in ceihkhanpiak a um rih lo,โ€ tiin Texas Senator Ted Cruz nih a thit hruai mi senators 11 nih an duhnak an langhter. Vote firnak a um ko, tiin vun thlircawipiak awk tlak ngaingai in zeibantuk tehte hmanh kan hmuh lo, tiin federal Department of Justice (DOJ) nih an chim. 1877 lio ah khan party 2 nih state 3 ah teinak hmu veve in an chim caah, bipartisan committee an ser i hlathlainak an tuahpiak bal hna. Cu in cun, an i cuhkalhnak state 3 ah ni 10 election results audit tuahpiaktu ding Commission ser dingin Congress cu an nawl hna.

Vote audit tuah an lim in cun, Commission nih an hmuhchuahmi results pawl cu state 3 in 1 cio nih zohchihnak (evaluate) an ngei ta rih lai i, a herh a si ah cun, a nehhnu result namhnehnak dingah ceihhmainak an ngei ta rih hna lai. Asinain an karhlannak hi hlawhtlin dawh dang cu an zum lem ve lo. โ€œMihrut kan si lo. Hi ti kan cawlcangh tikah, Democrats a tam u, asiloah an dihlak, cun Republican lak zong in ceilak nih cun kan duhnak ralchanh in vote an thlak te lai, ti cu kan i ruahcia mi te a si ko,โ€ tiin senators 11 nih an chim. Hi senators pawl an cawlcanghnak hi Missouri Senator Josh Hawley a cawlcanghnak he ai khat lem lo. Hawley nih hin cun lection a dinfelnak ralven duh ruangah Electoral College nih namhnehnak an tuahmi a hnon bia a si.
Congress i lower chamber, the House of Representatives ah a ummi Republicans phu pakhat zong nih election result cungah duhlonak langhter an i tim. Congress ah election results cungah duhlonak langhter dingin Republican senators 12 hrawng an i timlaam cang va si kaw, Trump nih president zuamnak a sunghmi an party ningin a khupthal leh an i tim, ti hi a fiang ngaingai ko. House of Representatives ah hin mi tam u hi Democrats an si caah, hi a nehhnungbik karhlannak an tuah dingmi hi hlawh cu a tling kho lem lai lo. Cucaah, President Trump caah khuaruahhar thil tlung kho dingin an i tinhbia a si lem lo. Trump cungah zeitlukin dah zumh kan tlaak, timi langhter an duh caah a si.

Senators pawl Trump nih a dirkamh ning hna hi a man khiah awk tha lo tlukin a sunlawi caah, Trump hmangin Republican Party ah hlawhtlinnak lam hi i pehzulh peng seh ti an duh caah le, hmailei caan tiang zongah Trump a tanhtu politicians pawl nih an kan doh sual lai, ti an phaan caah a tu bantukin karhlannak a tuah hi a si. Presidential election kongah Congress tiang hnahnawh pek a ton hi tutan lawng a si lo. Asinain, kum 50 chungah tutan election hi buaibainak a tambikmi election a si. Tutan i Trump nih vawlpumpi hnin in a president sinak thlah duh lo in heh tiah an chanmi hi fawibaiin cun a thawng daih khawh dawhdang a si ti lo.

๐‰๐š๐ง๐ฎ๐š๐ซ๐ฒ ๐Ÿ” ๐š๐ก ๐ค๐ก๐ข๐ง ๐ณ๐ž๐ข๐๐š๐ก ๐š ๐œ๐š๐ง๐  ๐ญ๐ž ๐ฅ๐š๐ข? : House of Representatives le Senate members pawl nih an dirkamhmi Electoral vote relnak cu suimilaam 2 chung caan la in lawmakers nih tuaktaan thannak an ngeih lai i, cu hnu ah vote pekin a zulh lai. Electoral votes hnon khawhnak dingah cun, chambers 2 i milu tamdeuh nih result cohlan lo dingin biasu an tuunmi cu an dirhpi a hau lai. Cu bantuk dirhmun phaaknak dingah cun Chamber 2 chung minung vialte an lung an i khah a hau hnga. Asinain, the House ah majority hi Democrats kut ah a ummi a si pinah, Senate ah a ummi a cheukhat Republicans lila zong nih election results kan doh lai lo, tiin an ti fawn cang. Senate nih Election result namhnehnak tuah dingin dirhmun ai ngeihmi hi phungningtein a si ko caah, result kong ceihkhan dingin caan sautuk hman hi a herh in kan chia lem ti lo, tiin Top Republicans pawl nih an chim.

Biden nih buan a co ko cang, cucaah nannih cio zong nih von doh len duh ti hlah u law a tha, tiin Senator majority leader Mitch McConnell nih a Republican hawi pawl a chimh hna. Utah Senator Mitt Romney hi nikum i Trump taza cuai dingin vote a petu a si i, a tu bantukin election results a khupthal leh dingin a Republican hawi pawl an cawlcanghmi cungah a lungtlinlonak a langhter. โ€œVawleicung i democracy nganbik a umnak ram i a tu bantukin thil a ummi hi a ruah ka ruah khawh lo mi thil a si. Pumpaak duhnak nih hin maw cutluk taimaiin cun phung hi a phenh dih cang ne?โ€ tiin Mitt Romney nih a chim. Election result doh dingin a nehhnungbik karhlannak an tuahmi kongah Biden camp lei nih cukha an ti lem rih lo. โ€œMr Hawley timhlamhnak hi i sawhkalh bia a si. Election lio tein khan American mipi nih piangtlar tein aw aan (tuahsernak) an chuah ko cang. 81 millions nih Biden le Harris vote an pek ko cang. Kum 4 ah voikhat an tuah tawnmi a si cangin, Congress nih election results namhnehnak an tuah chom cang laiโ€ tiin Biden a aiawhbiachimtu Jen Psaki nih a chim. Chelsea Bawi

Be First to Comment

Leave a Reply

Your email address will not be published. Required fields are marked *