Press "Enter" to skip to content

Yongon Ramthen Ah Mei Hrawh Piak An Tong Than

2021 November 23, Yangon Ramthen, Dagon Seikan le Kamayut Peng hna ah mei man a pe lo mi hna cu Kawl ralkap le palek nih an zulh hna i mei an hrawh, an phihpiak hna tiah theih a si.

Dagon Seikan 49 Sang, Kamayut Peng No.2 le No.4 Sang hna ah mei an phihpiak hna hi a si, tiah BBC nih a tial. Crd; The Hakha Times

Relchap; PDF-Kalay in Mino Pahnih nih Ram ca ah Nunnak an Pek Than. November 21 ah Kalay peng, Kyauhpyuh khuate pawng kahdohnak ah PDF-Kalay in Ko Min Zaw Aung le Ko Zaw Naing Htay nih an nunnak an pek tthan.

Kyauhpyuh khua pawng kahdohnak a SAC ralhrang 5 an thi, tiah PDF-Kalay nih thawngpang an chuah.

Paletwa Peng ah CNA Ralkap an Phan an Ti caah SAC Ralhrang nih Khuate Cheukhat ah Ralkap Thazaang Chap.

Paletwa peng chung ah CNA ralkap an phan timi thawngpang ruang ah SAC ralhrang nih khuate cheukhat ah ralkap thazaang chapnak le runvennak chah khun in laknak an tuah, tiah khua upa pakhat nih The Chin Journal ah a chim.

“CNA ralkap an phan an ti i ralkap thazaang chapnak le runvennak ahlan nakin chah khun in laknak pawl an tuah.

Abikin, Paletwa he meng 8 hrawng a hlatnak Thamantha khuate ah thazaang an chap ngai. Khuami pawl zong zinglei sml. 8:00 in zaanlei sml. 4:00 karlak lawng lengchuah onh an si,” tiah a chim.

“Thamantha khua pawng Tinletwa khuate zong ah SAC ralhrang an um i kiangkap khuate pawl ah zaantlai hnu checknak tibantuk zong an tuah,” tiah a chim chap.

Aluancia November 9 zong ah khan Matupi-Sami karlak ah CDF-Paletwa nih SAC ralhrang pawl an kah hna i ralhrang 11 an thi, tiah thawng an rak chuah. Crd; The Chin Journal

Be First to Comment

Leave a Reply

Your email address will not be published.