Press "Enter" to skip to content

Zaangfak tuk asi mi:Cancer in a zawt nakin a paw pi khi’Pum thum bakin a um’Thlacam bawm hna u sih.

China ram Guizhou province, Dazhi khawte ih um kum 36 mi, Miss Huang Guoxian cu 2018 ihsin a pum nuam teten a tumih nehhnu lam cun a pum pound 40 rit tiang a thang ti a si. Fate pahnih nei, harsa zet an si ruangah kum 2 sung khuitawk sizung hmanah a rak piahaw lo tiah China Daily News in a tarlang.

A pum tumpi hi a sul kiangkap in nuam teten an hung thang vivo mi a si tiah sibawi in an rel. A pum khuainak ding sumpai cu a khawpi pawlin an hawlsak ih, China media pawl hnen tiangih a darh hnuah Yuan ting 1 a ngah.Cui’ an bomnak sumpai thawn a fate pahnih hruaiin October 13, 2020 ahkhan sizung an pan ti a si.

Himi laiah Miss Huang cun a pum tumzet cingin a fate pahnih a rak kilkhawi phahih a pasal cu khawpi lam ah an eiin ding tawlrelin hna a tuan ti a si.

A pum hi a tir ahcun maltete a naa ih khawte sibawi pakhat in si a pek hnucun a naa a reh nan, a pum a tum vivo ruangah it can, to can, veivah can, a hrangah harsatnak hlir ti a si.Tu ahcun media pawlih tanlaknak in sizung tha pakhat ah a pum an khuai sak thei zo. A pum an khuai khal thil awlai cu a si lo. Sibawi le nurse thazang tampi a tul hlei ah sumpai tampi a tul.

A pum khuai man hi Yuan tingkhat le hrek a cemih amah in bomnak a ngahmi cu tingkhat lawng a si. Asinan a neihcia mi paisa tingkhat cu an sungkua tundinawknak ih hmang ding ah le, a pum ahnak cemliam hmuahhmuah an tumsak ding thu sibawi pawl le mibawtu pawl tangrual in an sim tikah a lungawinak mitthli cu a fate pahnih pomin a for rero.
Tu ahcun Miss Huang ih harhdamnak cu a tha zet zo ti a si.

Be First to Comment

Leave a Reply

Your email address will not be published. Required fields are marked *