Press "Enter" to skip to content

Zahan January 6 i Vawleicung Democracy ram vialte i pa bik ah ruahmi US cozah innpi (Capitol) chung tiang i

Zahan January 6 i Vawleicung Democracy ram vialte i pa bik ah ruahmi US cozah innpi (Capitol) chung tiang i hnahnawhnak (Choas) an chuahter hi cu a poi hringhran ko. Hmai a hngal lo taktak. Iran, North Korea le Kawlram te pawl hmanh nih an van nehsawh len ding le China President Xi Jinping mirh zuai i a um ding ka ruah ah ka celh lo. A poi ko ti hlei chim ding um lo.
πŸ—£ Sinain, US cu phunghram fek tuk le hruaitu αΉ­ha tamtuk umnak ram si hraat kaw mob rule le tharuum hmang (violent) in kum 200 renglo a nung cangmi democracy uknak an teiter khawh lo zia an langhter khawh αΉ­han i hna a ngam i thawpi a chuak. US cingcing a si ko.πŸ‘πŸ‘

πŸ—£ US ram hruaitu (lawmakers) pawl hi suimilam 6 hnu ah Congress innpi ah an lut αΉ­han i zanαΉ­im le khuamang tiang biaceihnak (debate) hi an ngei αΉ­han. Bia an i al dih hnu le vote pekmi an zoh dih hnu ah US president ding ah Electroral College nih vote an pekmi cu an fehter (certified) i Vice President Mike Pence nih Joe Biden le Kamala Harris hi US rammi le Electroral college nih an thimmi cu a si tiah a phuan.

πŸ—£ Congress nih Electroral college vote an fehter (certified) khawh in President Trump zong nih i lungsi lo ngai bu’in US president nawl ngeihnak (power) i peknak ding hi a sining dingte in ka tuahpi ko hna lai tiah a chim ve cang i buainak dang a um hraw ti lai lo tiah zumh a si. (Foxnews: Trump recommits to transfer of power as Congress certified Biden’s Win). Cucaah, hnangam deuh a si ka hei ti ko. A dong taktak cang. Vanceuuk Khenglawt

Be First to Comment

Leave a Reply

Your email address will not be published. Required fields are marked *