Zeidang cu ka chim lailo CNF/A kan pa le cheukhat le miphun ah bochanmi hna timi hmanh nih hriamtlai bu pakhat tang le hruainak pakhat tang ah um in thazang pakhat tangah hmunkhat in kal nakin a pengtlang le a hrinphun hriamtlai

Kan Dothlennak hi Ruahţhan kan hau. Kumkhat a kal cangmi kan ram dothlennak le tulio Chin miphun kan dothlennak hi thukdeuh le kaudeuh in ruah kan hau. Kum 70 leng a kalmi EAOs dothlennak ah a derbik tiah ruahmi Chin dothlennak le Karenni(ကယား) dothlennak hi tulio kan ram dothlennak hmaisuang bik le teinak hmu biktu kansi. Culak ahcun Chin mi kan dothlennak hi tlawmpal ka ţiallai.

1989 in aa thawkmi Chin hriamtlai dothlennak kan zoh tikah harnak le buainak le ţhenmalnak zeimaw a um. Curuang ahcun a canah Chin dothlennak cu a tlu hnik tawn i a tlau hnik tawn. Asinak in kan hruaitu cheukhat hna i lungţhawnnak le zuamnak thawng in donghcat loin a kal kho. 2012 kan ram kahdaihnak tiluan ah Chin dothlennak nih remdaihnak lam a hun zawh tikah hriamtlai dothlennak a doh tu le hnu a chittu zeimaw zong hnuhmai an hun i let i Chin dothlennak ah an hung lut. Thilţha ngai asi i kan dothlennak zong a vangkau deuh in a ummi a lo.

Asi nain hriamnam lak dothlennak hi a thi ah a lut lo i hriamtlaih dothlennak timi hi National issue ah chiahlo in political conflicts menmen ah a chia i CNF/A lam a zawhmi hna caah cun tulio kan dothlennak cu “Paul nih Vailamtah thihnak cu a tlaumi hna caah cun hruhnak phung….” a timi khi ansi ko tiah karuah. Mahruang ahcun asi lai dah tulio Chinland ah hriamtlai buu kan tam ning le a pikpak hriamtlai dirpi tu kan tamnak hi.

Zeidang cu ka chim lailo CNF/A kan pa le cheukhat le miphun ah bochanmi hna timi hmanh nih hriamtlai bu pakhat tang le hruainak pakhat tang ah um in thazang pakhat tangah hmunkhat in kal nakin a pengtlang le a hrinphun hriamtlai tha an pek khi asi lai. Cucahcun tulio kan dothlennak hi thazang funkhawhnak le teinak pical kan hmuhkhawhnak hnga kan thinlung hmunkhat i fun, kan thazang hmunkhat fun le kan hmuitinh a khat ah chiah hi kan biapi bik.

Cu kan tuahkhawhnak hnga CNA hi biatak in thazang kan ţhawnter a hau. Cutin kan ţhawnter khawhnak hnga caahcun Chin mipi dihlak nih CDFs nakin CNA hi biapi ah kan chiah a hau. Cutin kan chiahkhawhnak hnga raldohnak paoh khi CNA nih a tuah le a kalpi ahau. Cu a tuahmi le a kalpi mi cu CNA nih kan kah, kan doh timi kha mipi theih le Vawlei theih in thanh le phuan kan hau.

Bianaah Thantlang khi CNA bak nih a lak hrimhrim a hau. Hizawn ah mi tampi nih a ciam cangmi Thantlang cu lak a phu tilo an ti menlai nain cucu a dikloh. Thantlang lak a biapitnak cu…. strategy(မဟာဗျူဟာ) in zoh ahcun Tt kan lak cun kan ram pumpi ah pengţhen in a luat hmasat mi peng asi lai caah ram pumpi dothleng tu ca thazang laknak asi lai i ralhrang caah lungthin zawrnak asi lai(Lungler lak cangka in Vawntu an zam kha thinlung lei ţihnak ruang asi)

Thantlang khi CNA nih kan lak ahcun Chin mipi nih CNA cung bochannak le upatnak a kai lai.Hriatlai dang vialte le NUG hruaimi dothlengtu hna nih thazang i hrimhnak le ţan laknak hmunpi ah aa chuah lai. Cucahcun tu hi kan ram buainak le hriamtlaih dothlennak ahhin kan thazang hmuitinh hmunkhat teah fjnnak ca ding hi i hmaithlak in Chin mi nih CNA lamthluan hi thazang pek le dirkamh kan hau.Crd-Peng Hlawnceu

RELCHAP>>>><<<<<< Kanpi Nih Suithiang Cuai Sarih Le Dollar Ting Sarih Afir Lo. Sawmnga man tissue te he puai ah a kalmi Kanpi, Thongruk man phaisa bawm te he puai akal tawn mi Kanpi, Lamkam dawrte ah 1200 man kadipa kedan te a cawk I puai kalnak ah ahmang mi Kanpi, Pumthum ah 100 man Serthlum a cawk I, lamkal pah In a ei mi Kanpi,

thlahlawh hnarcheu lawng alak mi Kanpi (Rampi asifak caah, ram le mipi zawn an kan ruah caah), Party puai le ṭhitumnak puai akal tikah, cozah thilri le cozah minung ahmang bak lo mi Kanpi, Pukpa tlang um dumhau bitte pakhat te lawng a ngeih mi Kanpi, A Biazai pakhat te lelan tuah ruang ah ting thong tampi ahmuh tu Kan pi nih,

Dollar 60000 le Suithiang cuai 7 a fir ti cu asi khawh lo mi asi. Hranhram in thiamlo coter mi asi ti kha Vawlei kan bengh I kan nganh lo tluk asi ko. Afir lo tiah Vawlei hang dinh ka ngamh mi bak asi. Tazacuai tu misual damiah asimi nanmah lubo rual lawng cu pei, Suidikun Phura I suithiang vialte nan fir dih ko hen cu. Mah sualnak a puang sual lai tiah mi sual puh le thiamlo coter asi ko. Crd; Zingtincuai Cinzah