Press "Enter" to skip to content

Zual Ko : Sayakyi Ral Uk COVID-19 Zawtnak in a Nunnak a Liam

Sayakyi Ral Uk COVID-19 Zawtnak in a Nunnak a Liam
————
Nihin zaanlei sml. 3:00 ah Hakha khua ah a ummi Sayakyi Ral Uk (84) cu COVID-19 zawtnak in an inn ah a nunnak a liam. Sayakyi Ral Uk cu Dr. Cung Bik Thawng i hringtu a pa a si i, Primary School sayakyi (Retired) a rak ttuanmi a si.

Sayakyi Ral Uk te hi Bethel Baptist Church Khrihfabu chungtel an si. Nihin nikhat chung Hakha ah COVID-19 in minung pathum an nunnak a liam. The Chin Journal

Thawngpang dang relchap : #Update : Rialti khua pawng ah ruak hmuh mi hi CNF/A a luut i Bo khat kan pek mi a si: Salai Htet Ni
==============================
Nizaan October 23, Falam Peng, Rialti khua ah ruak pakhat an hmuh mi cu CDM a tuah i CNF/A a luut mi Siibawi cawng lio Naing Htoo Lwin (kum 20 hrawng) Kawl Ralkap nih an kahthah mi a si, tiah kan theih.

“Amah hi Magway khua in CDM a tuah mi Siibawi final year a cawng lio mi Naing Htoo Lwin a si. Bo khat rank kan pek mi a si. Falam Peng kahdohnak ah aa hliam mi an um sual ah tiin thlopbultu ding ah a kal. A hawile an rak kir tik ah anih aa tel lo. Phone kan chawnh i voi 1 cu a tlaih nain a hnu ahcun phone a tlai ti lo. Kawl ralkap nih an thah mi a si ko lai,” tiah CNF Chimnak Nawlngeitu Salai Htet Ni nih The Hakha Times ah a chim

Be First to Comment

Leave a Reply

Your email address will not be published.