Press "Enter" to skip to content

Zualko : Kawlram Hlasakthiam Mee Mee Khe Nih A Fa Le Cu Ngaktah In A Chiah Hna E

Hlasakthiam Mee Mee Khe cu October 16,Australia nazi 9:31pm ah a zawtnak a zual tuk caah a nunnak a liam tiah fiang tein thawng an thanh i a hlasakpi hawile pawl le a chungkhar hna nih tuarkhawh nak an neih khawh nak hnga thlacam zong an rak cah chih rih.

Mee Mee Khe a thih nak kong cu a pasal thing Htoo El Lynn nih thawngpang a thanh hmasa cem nain, mipi thenkhat nih ai dawh loh tiah an comment ruangah a delete than i, hlasakthiam Ni Tar zong nih um nuam loin a thlahmi cu a hlonh than ve. Asinain, Mee Mee he hla tampi a raksa ti cang mi le Mee Mee Khe hlasakmi tampi a rak phuah cang tu Hlasakthiam Sangpi nih cun Mee Mee Khe a thih nak kong cu mipi sin ah fiangtein thawngthanh nak a tuah.

Australia ah chungkhar tling in a um mi Mee Mee Khe cu kum tampi chung cancer zawtnak a tuar.cang i, a zumhnak thawngin a damtha ngai cang konain, tukum Febuary thla Myanmar in Australia a panh than hnu in a zualhma tuk than i, cancer sizung ah luhpi le zohkhenh a rak si.cuticun Cancer zawtnak nih cun a taksa cung ah fahnak a pek tuk i a ruhtiang in a lang cang a mah hi nutling bak a si i a tuah cun a zawtnak a tuar kho ve ti loh.

Cuti cun,October 16 ah a umnak Australia ram nazi 9:31pm ah a nunnak a liam. Australia i a pasal he hin fale pahnih le Htoo El Lynn he fa pakhat an neihmi cu a kaltak hna.

Be First to Comment

Leave a Reply

Your email address will not be published. Required fields are marked *