ZUALKO : Laimi Hna Nih Kan I Bochan Ngaingai Mi Pu Chan Hre Nih A Kan Liam Tak Ruangmang E
Kan Vawlei cung hi cu duh tlin lo nak ram a rak si taktak ko mu celh ding a si lo e. Kan laimi chungin bochan mi pawl nih a kan liam tak hi cu a poi hringhran ko. Tan tak mi chungkhar le khuami khrihfabu Bawipa tu nih hnemhram ko hna seh. Hakha, Thantlang nih kan i bochan mi kan pa a si mi Pu Chan Hre ( Nawl Cung Lian pa) Deputy Director (Rtd) nih January 22,2021( 1:30 am) ah mual a kan liam tak kan lung a ttha lo tuk hringhran ko e.
Thawngpang dang hi van bih chap hna usih >>>>>
A Dongh Nak Bik Can I A Biachim Minih Mipi Mitthli A Tlak Ter Ai
US president Donald Trump nih cun US president pawl umnak Inn Rangpi cu anmah lei US caan ,january 20 zinglei nazi 8am ah a chuahtak cang. Kannih lei cun zan a si cang.
Trump le a nupi cu ralkap nih an don hna i ralkap umnak hmunah thlahnak caan an hmang ta. US president thar ding Biden le a nupi zong biakam nak hmun ah an phan ve cang i, president sinak hlan a si hnuah biakam nak an nei ve lai.
Trump nih cun Biden lomhluhnak caan ah ai tel lo nak ding kong cu a rak chimcia cang i, telpi loin Inn Rangpi a chuah tak cang. Ralkap umnak hmunah thlahnak an hman dih hnuah a umnak ding Florida an panh cang.
Inn Rangpi a chuahtak lio ah cun a mipi pawl nih kan in ngai tuk lai president” tiah an van ti cu Trump zong nih “Kum 4 chung US president tuan in Inn Rangpi ka luah khawh mi cu sunglawi ka ti tuk i a ropui lawlaw. American ram hrang ah ai zuamtu ka si bangin American mipi pawl kan dawt tuk hringhran hna i Pathian nih thluachuah inpe hna seh,Good Bye” tiah a thlah hna.
Covid 19 zawtnak le kan hnu i buainak ruangah Biden cu president dang bantuk in hlunghlai ngai le ropui ngai in lakluh a si lailoh i, a cawngtu ralkap tampi lak ah lakluh a si lai. Culawng siloin biakam nak a neihhnu zong ah US president dang ti bantuk in khuapi chungah mipi kuttleih nak a nei lailoh i, US rakap thi cang mi thlanmual a veh hnuah Inn Rangpi a panh colh lai. Turih ah cun buainak thawngpang zeihmanh a um rih loh. ( RT )
