Press "Enter" to skip to content

Zualko:Operation tuah nakin’Pu Bawi nih mual a kan liamtak.

Thantlang zato ah Pu Bawi Vung (38) cu Oct 16 ah zato an phak pi i Oct 17 ah operation tuahnak khan in an rak chuahpi i tlawmpal ah athih hi asi.

A damlonak hi rilfonghlei fah ruang ah asi i Thantlang operation tuahtu doctor pa nih cun “meh-se kan chunh mi a tuar khawh lo caah a nunnak a liam hi asi”. tiah The Hakha Times nih cun a langter.

Wayne Pazho nih cun ka pate Pu Bawi Vung hi Thantlang zato rianṭu pahnih nih ihkhun cung i kan von khing la anti ah an thlak sual tiah a langter.

Hi kong ah Thangtlang zato tuanvo ngeitu nih felfai te in chimfianh nak an tuah a hau tiah Facebook ah a langter.
Mithi pa hi Thantlang peng Ngaiphaite khua mi asi i nupi le fa pali a ngei mi si tiah kan theih.
Laknak:CBN

Thawngpang dang asi a tang hi:

1. ပြည်ထဲရေးဝန်ကြီးဌာနHi hrawh a herh. Hrawh a herhnak cu, Hi ပြည်ထဲရေးဝန်ကြီးဌာနtang ah ရဲ ထွေအုပ် လဝက တရားရေး မီးသတ်vialte an um dih. A sining ahcun hi vialte hna hi Ramthen le Ramkulh Cozah kut tang ah a um ding an si. Center Palek hi Ramkawmh cozah tangka a um ding an si. Tahchunnak ah America ram ah cun Palek hna zong hi an mah le a um nak State Cozah tang ah an um dih. America palek an si dih ko nain Ramkulh pakhat Palek an uniform hmanh an I dang cio hna. cu nih a langhter mi cu Palek hna hi an tuannak Ramkulh cozah tang ah a um ding an si.

2. ကာကွယ်ရေးဝန်ကြီးဌာန HumhimnakVuanci a tuan ding mi cu Ralkap a tuan lo mi nih tlaih ding mi a si. Ramdang zong ah hi Humhimnak Vuanci cu ralkap an si lo. Hi Humhimnak vuanci zong hi mipi nih thim mi Hluttaw Palai hna nih an thim ding mi a si. Ralkap khenh ding a si lo. Ralbawi zik zong hi Hi Humhimnak Vuanci tang ah a um awk a si. Tahchunnak ah Min Aung Hlaing hna hi Humhimnak vuanci zung tangah a um awk a si. Amah nih uk ding le khenh ding a si lo. Ralbawi nih Humhimnak vuanci khenh cu khoika ram hmanh ah a um bal lo.

3. နယ်စပ်ဒေသလုံခြုံရေးဝန်ကြီးဌာန Ramri zohkhenhnak Vuanci zung zong hi hrawh a herh. zeicatiah Ramthen le Ramkulh cio ah Ralbawi စစ်တိုင်းမှူးan um dih ko, Ramthen le Ramkulh kip ah Palek chiah dih an si ko. Cu bu in Cozah phu ah နယ်လုံဝန်ကြီးtiah min bunh in Vuanci an hei chiah rih. Democracy ram ah Ralkap Vuanci ti mi hrimhrim a um lo. ဝန်ကြီးဌာန tlaitu hi ralkap an si awk a si lo. ဝန်ကြီးဌာန kut tang ah ralkap an si ah palek an si ah an um dih awk a si. anmah ralka nih ဝန်ကြီးဌာန dang ngeih le Ralkap vuanci um phung zong a si lo.

Cu nak hman ina herh deuh mi cu, Social, Health, Education le Sport Vuanci hman hi then I ဝန်ကြီးဌာနpek chap deuh ding a si. Tahchunnak ah Education hna hi a ngan tuk tik ah zeidang rian ngan he fawnh loin Education Fimcawnnak ဝန်ကြီးဌာန dang tein kan chiah piak hna Seh, cun Ngandamnak lei zong hi rian ngan a si caah Health ngandamnak lei ဝန်ကြီးဌာန dang tein kan chiah piak hna sehlaw Social le Sport tu hi ဝန်ကြီးဌာန pakhat ah kan chiah piak hna sehlaw rian aa tei deuh lai.

Atu cu ralkap nih ဝန်ကြီးဌာန hmun thum bak an lak tik ah ralkap nawl ngeihnak a sang tuk.
Cucaah hi ral a do kho ding mi cu NLD lawng a si caah hi Phunghram pi le Ralkap nih uk mi ဝန်ကြီးဌာနpa thum hi lak khawh nakding ah NLD vote ko hna usih.
Catial tu:Ro Lian Thang

Be First to Comment

Leave a Reply

Your email address will not be published. Required fields are marked *