Press "Enter" to skip to content

Zualko:Tii thlak nakin mual a kan liamtak mi’kum 14 Kan farnu ruak tlamtling tein an hmuh cang.

October 8,2020 tichung ah a thlak i mual a liam mi kan farnu Lalngaihdami kum 14 cu a ruak tuchun ah tlamling tein an hmuh cang tiah tuzan lei ah khan mizo world news nih thawngthan nak mipi sin ah a van tial mi cu!

Hakha holh in ka van tial than hi a si kan farnu Lalngaihdami hi octorber 8 ah khan a hawi le he tikam ah an i nuam lio ah tichung ah a tla i a ruak saupi an kawlh hnu ah tuchun ah an hmuh than hi asi tuchun na zi 12 ah an hmuh tiah mizo world news nih a van tial langh hi asi kaltak mi chungkhar Pathian nih hnemh ko hna seh.

Thawngpang dang zong hi relchap ko uh:

Nizaan ah Salai Lairamthang catial mi ka rel, Chin mi tampi nih Dr. Sasa hna cu an soisel ve, Chin miphun caah Arfi ceu bantuk a si i an thih hnu tiang hmanh ah an tluk hlei fawn lai lo tiah a tial mi ka hmuh.

A ngaingai ti ahcun Dr. Sasa a rak soisel hmasa biktu hi a mah Salai Lairamthang a rak si. Dr. Sasa nih Lailenpi ah Airport a tuah timh timi thawngpang a um lio ah kan pale mifim cathiam, social media ah theih hngalh deuh mi tampi cu dai tein an um ko, cun a cheu nih lomhpi nak an rak chim cio. A sinain Salai Lairamthang nih soiselnak fak ngai in a rak tuah. Cucu social media tampi zong nih copy an rak tuah chin cio. Dr. Sasa cu mifim cathiam puitling ah ruah a sinain, Miphun ca si loin a mah Lailenpi lawng ca ah pei a ruah ko hi ti bantuk in ca a rak tial.

Cun Comment tete zong ah Dr. Sasa a rak soisel len. Hi hi a mah pumpak zong nih aa theih bak ko lai, a sinain a tu ahcun Chin mipi nih Dr. Sasa nan soisel ve cu ningzak a si, nan thih tiang nan tluk lai lo a ti tikah mah nih a soisel mi kha teh, a rak tluk ca ah maw a si hnga timi a ka ruah ter ngai.

Tutan ah CNLD lei zong nih Dr. Sasa hi hramhram in an soisel lo. A mah Dr. Sasa nih CNLD pawl cu zeihmanh an tuah khawh ding a um lo, van in Lungvar tla hmah sehlaw a tawlrel ning an thiam lai lo ti phun in Interview ah a chim mi ruang ah lehnak tete an tuah hi a si bik deuh.

Cu lawng si loin Indirect in CNF a soiselnak, Chin party a soiselnak ruang ah CNLD lei nih lehnak an tuah pah mi tu hi asi. Salai Lairamthang nih a rak soisel bantuk in a hram um lo pi in CNLD nih Dr. Sasa an soisel lo. CNLD upa hrim nih an soisel lo, CNLD a tanh tu cheukhat an si i cu hmanh cu a bia chim mi cungah lehnak an tuah bia a si tiah ka hmuh ning a si. Kaalawm
By:Salai Chan Cung Lian

Be First to Comment

Leave a Reply

Your email address will not be published. Required fields are marked *