Press "Enter" to skip to content

Zumh sual Citcet lo ding a si Lai, Rlhrang I An tactic Hmandan Hi Tih A Nung Chin lengmang Ko Hih>>>>>>>>>>>>

Ralhrang nih hriamtling he mipi lei nan tan ahcun sing 75 pek nan si lai tiah TPC nih an thanh
===================================

Ralhrang nih hriamtling he mipi lei nan tan ahcun sing 75 pek nan si lai tiah TPC nih an thanh Nawlngeihnak la tu ralhrang phu sin in luat a duh mi hna caah Sagaing ramthen, Tenhsee (တန႔္ဆည္) mipi vengtu phu TPC nih ni hin August 10 ah cathanh an chuah.

Nawlngeihnak la tu ralhrang phu sin in luat a duh mi ralhrang hna nih mipi hna cu nu le pa dirhmun in cohlan i,mipi lei ah tan a duh mi ralhrang hna cu kanmah Taze People Comrades-TPC nih lunglawm ten kan in don hna tiah an langhter.

Full Equipment in a rak phan mi ralhrang hna cu laksawng ah sing 75 pek nan si lai i, chungkhar humhimnak , umnak eiding kong zong ah tawlrel piak nan si lai tiang Taze People Comrades-TPC nih cathanh an chuah.

#TPC

Adang.Ngakchia Covo Le Humhimnak The United Nations Convention on the Rights of the Child (CRC) cu UN General Assembly nih 20 November, 1989 ah an ser I ram 195 nih an fehter. September 2, 1990 ah a nung. Myanmar zong nih a cohlan caah 1993 ah Child Law a rak ser i 2019 ah Child Rights Law timi in a thlen t’han. CRC hi Articles 54 a um i biapi phun 4 ah cheu a si. CRC a hran an ser lio ah kum 10 khengte an rak i rauh. (November 20 hi International Children Day a si)

Child Rights Law in Myanmar (23-7-2019/No-22)
Chapter 30, articles 121 a um.Hmuitinh – UN convention (CRC) tlamtlinter, ngakchia ca t’hatnak tuahpiak le an covo kha upadi ning in humhimpiak, ngakchia a lamkip t’hanchonak ca a hrampi ngandamnak, ei-din t’ha le cacawnnak covo tuahpiak, zei rel lonak, ningcang lo hmannak, hruhru hranghrang tuahtonak le nehrawh a tong mi ngakchia pawl kha humhimpiak, sualpalhnak a tuahtu ngakchia kha adang tein biaceih in nunremhnak leikap in sualphawt, upadi nih a pekmi covo le humhimnak kha tlukrual tein ngahter i thleidannak tuah lo ding.
Ngakchia timi cu kum 18 a tling rih lomi kha a si. (CRC he ai khat)

Kum 10 tling lo ngakchia nih a tuahmi sualnak cu sual ah pom a si lo.Kum 10 a tling i kum 12 a tling rih lomi ngakchia nih sualnak a tuah lio ah ka tuahmi hi sual a si timi a hngalh khawh lo ahcun sual ah pom a si lo.

Ngakchia nih an ton tawnmi thleidannak tete A chiakha bik rian (Worst form of child labour) – Ralkap luhter, an ngandamnak (thazaang) nih a tlinh lo tiang in riant’uanter, t’ih a nung mi rian t’uanter, ziaza a rawhtertu rian t’uanter…

Thleidannak – rammi sinak, chung (phun) sinak, miphun, chuahsemnak khua, takvun, nu/pa, holh, biaknak, sinak, nunphung, sit’hat sifah, pumtling lo, ramkhel, pom ning asiloah minung sinak cohlan ning (LGBT)…..

Muisam lei nehrawhnak – a puitling cang mi hna nih, midang ngakchia nih …. Hrem, t’ha lo tein tuahto, minung bang lo in asiloah sining thlak dih in va chawnhbiak… tuk le velhnak telin phun khatkhat in sual phawt… muisam lei hremnak….

Thinlung lei nehrawhnak – ngakchia lungthin rawk dingin tu le tu ningcang loin chawnhbiak, nehsawh, ningcang loin hman, thinlung intuarnak ngah dingin tuahto asiloah zei rel lonak (ruahpiak duh lo)…
(a) Ngakchia kha voi tampi a thinlung ah hmape um dingin tuahto
(b) Ngakchia t’ihphaih, lauter, tlerhkhawnh le amah lawng lung nuam loin khuasakter, zei rel piak loin um
(c) Chungkhar ah hremnak, t’ha lo tein chawnhbiaknak
(d) A limhang zor dingin chiah
(e) Lungthin zaw ding tiangin nehsawh

Zei rel piak lo – nulepa, zohkhenhtu asiloah ngakchia he ai pehtlaimi nih tlamtling in ti le rawl, thil le puan, ngandamnak le cacawnnak kong ah t’ha tein zohkhenh, dawtnak le zawnruahnak pe loin khuasak…

Ngakchia Covo
(a) Chuahka in covo an ngei
(b) An ca a t’ha bik thil ngah khawhnak an ngei
(c) Nulepa pakhatkhat an nundam ko ahcun anmah sin ah t’hanlian ding
(d) Zei bantuk dirhmun zong ah thleidannak ngeih lo ding
(e) A zumh ning le pom ning kha zalong tein chimphuannak nawl a ngei
(f) Biaknak, ca, holh, nunphung le zulh tawnmi phung zong ah zalong tein a hman khawh
(g) Upadi nih a awnhmi bu, zatlang bu, biaknak ah ai tel kho.
(h) Nunphung le awnmawi lei zong ah ai tel kho.
(i) A lamkip a t’hanchonak ca bawmtu a simi cauk a rel kho, hngalhkauhnak a kawl kho
(j) Lehpan caan le dinh caan zong anmah kum rup in an ngei kho i hawi sin ah an I tel kho
(k) Upadi ning in ro a co kho
(l) Thilri ngeih khawhnak a ngei I upadi ning in venpiak ding
(m) An limhang zoh lo ding, pumpak zalonnak le himnak hnursuannak um loin upadi ning in venpiak ding
(n) Upadi nih a pek mi adang covo zong tlukrual tein a co khawh

Sualphawtnak Kong

Ngakchia zu, beer cawkter, zuarh, din dingin fawrh asiloah din ter
Nulepa, chungkhat tel loin dayclub night club, karaoke asiloah hmehhmalnak ah luhter

Thinlung lei nehrawhnak, tukvelhnak, muisam lei nehrawhnak A cunglei a tuahtu cu a tlawm bik thla 1 in a tam bik kum 6 tiang maw, a tlawm bik sing 1 in a tam bik sing 3 tiang maw, a pahnih fonh zong in maw sualphawt a si lai.

Salai Thawngpi
RF: The Chin Post

Be First to Comment

Leave a Reply

Your email address will not be published.