𝗙𝗮𝗹𝗮𝗺 𝗮𝗵 𝗮 𝘂𝗺𝗺𝗶 𝗦𝗔𝗖 𝗿𝗮𝗹𝗸𝗮𝗽 𝗻𝗶𝗵 𝗧𝗵𝗹𝗮𝗻𝗿𝗮𝘄𝗻 𝗸𝗵𝘂𝗮 𝗰𝘂 𝗵𝗿𝗶𝗮𝗺𝗻𝗴𝗮𝗻 𝗶𝗻 𝗮𝗻 𝗸𝗮𝗵

𝗡𝗶𝗵𝗶𝗻 𝗠𝗮𝗿𝗰𝗵 𝟯𝟬 𝗮𝗵 𝗙𝗮𝗹𝗮𝗺 𝗮𝗵 𝗮 𝘂𝗺𝗺𝗶 𝗦𝗔𝗖 𝗿𝗮𝗹𝗸𝗮𝗽 𝗻𝗶𝗵 𝗧𝗵𝗹𝗮𝗻𝗿𝗮𝘄𝗻 𝗸𝗵𝘂𝗮 𝗰𝘂 𝗵𝗿𝗶𝗮𝗺𝗻𝗴𝗮𝗻 𝗶𝗻 𝗮𝗻 𝗸𝗮𝗵 𝗶 𝗮 𝘁𝗹𝗮𝗸𝗻𝗮𝗸 𝗸𝗶𝗮𝗻𝗴𝗸𝗮𝗽 𝗶𝗻𝗻 𝗽𝗮𝗵𝗻𝗶𝗵 𝗣𝘂 𝗧𝗵𝗮𝘄𝗻𝗴 𝗛𝗿𝗲 𝗹𝗲 𝗣𝘂 𝗧𝗶𝗮𝗹 𝗵𝗻𝗼𝗸 𝘁𝗲 𝗶𝗻𝗻 𝗰𝘂 𝘁𝗹𝗮𝘄𝗺𝗽𝗮𝗹 𝗮𝗻 𝗿𝗮𝘄𝗸!

𝗦𝗔𝗖 𝗿𝗮𝗹𝗹𝗮𝗽 𝗵𝗻𝗮 𝗰𝘂 𝗙𝗮𝗹𝗮𝗺 𝗶𝗻 𝗺𝗲𝗻𝗴 𝟭𝟲 𝗵𝗿𝗮𝘄𝗻𝗴 𝗮 𝗵𝗹𝗮𝘁𝗻𝗮𝗸 𝗧𝗮𝗮𝗹 𝗹𝗲 𝗧𝗹𝗮𝗻𝗴𝘇𝗮𝗿 𝗸𝗮𝗿𝗹𝗮𝗸 𝗮𝗵 𝗮𝗻 𝗿𝗶𝗮𝗸 𝘁𝗶𝗮𝗵 𝘁𝗵𝗲𝗶𝗵 𝗮 𝘀𝗶! 𝗛𝗺𝗮𝗻𝘁𝗵𝗹𝗮𝗸: 𝗧𝗵𝗹𝗮𝗻𝗿𝗮𝘄𝗻 𝗶𝗻𝗻 𝗮 𝗿𝗮𝘄𝗸𝗺𝗶 𝗽𝗮𝗵𝗻𝗶𝗵. he Chin Post

Kum 4 Tluk Ngakchia Pyusawhti Meithal Kahnak In A Nunnak Liam. Magway ramṭhen, Myaing peng Hnansikan khua ah SAC ralkap kuttang um pyusawhti phu hna cu meithal i puah pah in khua chung an luh caah kum li tluk ngakchia nu pakhat kuanfang hliamhnak in a nunnak a liam tiah theih a si.

Nihin, March ni 30 zinglei suimilam 8:00AM hrawng ah Myaing peng Tayatkan khua um pyusawhti chungtel 30 hrawng cu khuachung ah meithal i thlah pah in an lut tiah tualchung mi nih an chim.

Meithal puahpah in pyusawhti phu hna cu khuachung an luh caah khuami hna cu ṭih launak he zaam an i timh ah, kum li tluk ngakchia nu pakhat cu kuan nih a hliamh caah a nunnak a liam.

“Pyusawhti phu an umnak Tayatkan khua le Hnansikan khua hi meng 4 tluk hrawng aa hlat, pyusawhti phu hna cu atu le atu Hnansikan khua ah an lut lengmang, pyusawhti phu khuachung an luh ah cun tualchung mi hna cu tlikzaam peng a si ko, nan tli zaam hrimhrim an ti hna caah an kah hna, ngakchia nu pakhat an hliamh caah a nunnak a liam” tiah tualchung mi pakhat nih a chim.

Pyusawhti kut in nunnak a liammi kum 4 ngakchia nu a ruak cu chungkhar nih a nunnak a liam ni ah ruakvuinak an tuah colh tiah theih a si.