Press "Enter" to skip to content

SAC Rakhrang Phu Nih Khua Minung 6 Hna Cu Zohchia Tuk In An Thah Hna

Kayin ramkulh, Loikaw peng khua mi minung 6 cu ralhrang phu hna nih faak tuk in an thah hna hnu ah ek khor ah an hlonh hna. Ralhrang thah a tongmi minung 6 ruak cu nihin January 27 ah an vui cang hna, tiah theih a si.

January 27, Kayin ramkulh Loikaw peng, Natnataw sang le Yeyu(ရေယို) khua ek khor i an rak hmannak hmun ah, faak tuk in thah an ton hnu ah hlonh mi miruak 6 cu hmuh an si.

Cu ruak cu khua mi nih am hmuh sin in ṭha tein ruakvuinak an tuahpiak hna, tiah theih a si. Ralhrang kut tuar in a thi mi miruak 6 hna cu mi zei an si fehternak a um rih lo. Khit Thit Media

CNO/CNDF nih Jan 26 i kahdohnak thawng an thanhmi ah CNDF bomh hmanhmi i lamh ruangah ralhrang 7 an thi i 10 nih hliam an tuar tiah theih a si.

A cathanh chungah cun “Chin ramkulh, Falam peng chungah CNDF nih bomb (mine) kan hmanhmi cu January 19 ah SAC ralhrang pawl nih voithum an i lamh ruangah SAC ralhrang 7 an thi i 10 nih hliamhma an tuar. SAC ralhrang lei in Captain pakhat cu a ke pahnih in a bul i an hruaitubik cu a mit a caw” tiah CNDF nih an langhter.

January 23, 2022 zongah Chin ramkulh, Falam peng, Zawnglei khua pawngah CNDF le CNA i bawm in SAC ralhrang cu an kah hna i SAC ralkap 13 an thi, 11 hliamhma an tuar. CNDF lei pakhat a nunnak a liam i CNDF le CNA lei in fak tuk loin hliam a tuarmi 4 an um ve.

Cu pina January 25 ah CNDF le CNA i bawm in SAC ralhrang pawl an kah ṭhan hna i ralhrang 4 an thi, 5 nih hliam an tuar fawn. Pathian kilvennak ruangah CNDF le CNA lei hliamtuar le a thimi an um lo tiah theih a si. Source: Department of Information and Public Relations

Be First to Comment

Leave a Reply

Your email address will not be published.