A Luan Cia 2015-16 Lia Ah Kan Ralkap CNA/F Hna Nih Ramtang Ah An Cawlcanghnak Rak Zoh Ve, Hawi Dawt Cheukhat Kan Ralkap Hna Cu Ram Caah An Nunnak An Pek Cang Hna Ee (+VIDEO)
75th Chin National Day lawmhnak caan ah aliam cia kum 2015-16 CNA/CNF RO documentary film behind the scenes Tio River Footages. Kan hawile cheukhat cu ram le miphun ca an nunnak a liam cang..
Anna Biak Tha Mawi( Aidii ) nih a ka bawmh mi asi. Original shooting kan tuah mi hi nazi 80 hrs hrawng si i kan ram zalawnnak taktak kan hmuh hnu lawngah ka chuah khawh ding si.
Cungpi Australia, PalIng Chin arfi hlasa Pi ChinChin( Pek Thang) Hlawn Tin Cuai ( A Cuai Civil Engineering) mi phun le ram ca nan i pek chanhnak cungah lawmhnak ka langhter duh. Crd; Salai Tialbawiling
Relchap; Chin Miphun Ni. Chin National Day hi Kan pale anmah chan ah Chinland huap in a kan Hruaitu hna nih 9 october 1950 ah meeting nak an rak ngei i Chin Miphun Ni hi kan ngei awk si tiah an rak ceih i 20 february 1948 hi Chin National Day si ko seh tiah an rak ti ca ah tutiang chin miphun nih kan sunsak i kan umnak ciao ah kan tuah hna.
20 february 1948 chin miphun ni i a thim hnawhchan nak kan pa le nih an tial mi le an chim mi kan zoh tik ah a rak i thlak ngai tiah ka hmuh. Hini hi Chinland kan i uk ning kan thleng ni lawng si loin Chinland huap in fehfuan ten kan Chinland kan i uk lai tiah kha liao i Ramuk Bawi pakhat le khat, Bawi pakhat le pakhat hnatlaknak kan ngei ni zong a si.
A voikhatnak Chin National Day cu 20 feb 1951 an Mindat ah rak tuah a si. Hi lio hin Union Of Burma Prime Minister U Nu zong nih a rak telpi hna tisi. Sinain a hnu deuh hnu deuh ahcun Chin National Day kha Kawl politicians cheu khat nih a duh tilo.
A tuah hmanh an rak kan dongh. Phunphun in an kan kham. Asinain Chin Miphun Ni cu kan thin lungle kan thisa in kan upat Chin Nation building a hram thoknak a si bantuk in kan cahlan ca ah Uknak phung a phunphun in an kan kham, An rak doh ko nain Chin Miphun kan umnak poh ah kan tuah kan tuah lo hmanh ah kan thinlung ah a nung mi a si ca ah mizei miphun, a hohmanh nih an kan kham kho lo i tutiang a hmun.
Cuvebantukin Chinland chung ahcun chin miphun nih kan cohlan lomi Uknak hi tu zong ah Uknak phung a phunphun in an kan tuah hnawh kan cohlan lomi hruaitu an kan chiah hnawh. Cucu Chin mi hna nih kan duh lo Mirang chan in tutiang kan doh hna.
Chin National Day kanmah ten kan i thim i kan tuah mi a phunphun in an kan doh nan a donghnak ahcun Kan miphun dihlak nih kan thinlung in kan cohlan cang micu an kan kham taktak kho lo. Cuvebantukin Tutan zong ah Chin Miphun dihlak nih kam cohlan kho lo mi Uknak phung, Uktu hna nih a lamkip in kan lampi an kan kham a donghnak ahcun teinak kan hmuh ve thiamthiam ko lai.
Ral tha ngai in um tuah, cun kan mi hna le kan pathian khua hna ca ahhin pasal si usi; cun Bawipa nih a tha a tining paoh in tuah ko seh (2 Samuel 10:12) # Tuni Khualhring Kingdom Chin Miphun Ni camtuak in chimmi chungin. Credit: Salai Siangkung
