Press "Enter" to skip to content

A Poi Ko Mu! Hakha Khualipi Ah Ralhrang Kuttang Ah Sianginn An Kai Hna

Hakha ah Ralkap nih Sianginn an hun: A kaimi cheukhat an um, 2022 March 4 — Chin ramkulh, khualipi Hakha ah Ralkap (SAC) nih a hun mi High School ah Saya/mah le siangngakchia cheukhat sianginn an kai nak zarhkhat tluk a si cang tiah theih a si. Hi kong he pehtlai in, “Khuate lei le khuapi chung, CDM a tuah lomi saya/mah vialte kha No.1 B.E.H.S (Hakha) ah fonh dih in cacawnnak an tuahter hna.

A kaimi siangngakchia pawl hi CDM a tuah lomi saya/mah te fale, palik fale pawl le, ralkap fale pawl deuh an si tiah” min langhter awk tha lomi khuami pakhat nih The Chinland Post ah a chim. Atu bantukin Sianginn hunnak kong he pehtlai in, Salai Ngun San Aung nih “Hakha khuachung ah Pu Ngun San Aung le a ralhrang pawl nih sianginn an hun i ngakchia a kaimi an um pah len tiah ka theih.

Nulepa hna sal ah a kan can ter dingtu cacawnnak ah nan fale rak kai ter hrimhrim hna hlah u mu. Hriamtlai nan fale nih kan in nawl ko hna…” tiah a pumpak Facebook ah a tial. SAC nih High School kan hun cang tiah thawng a thanh hnu in atu bantukin a thli tein sianginn kaimi an um le cachimhnak a thli tein a um hi a si tiah theih a si. The Chinland Post

Mawlamyine ah Covid-19 zawtnak a voilinak aa thok hnu in, covid-19 in nunnak a liam mi minung 30 leng an si cang, tiah Mawlamyine Rescue emergency mibawmchantu phu sin in theih a si. February 6, 2022 in March 3 tiang ah Covid-19 zawtnak in nunnak liammi dihlak hi minung 34 an si, tiah Mawlamyine Rescue phu in rianngeitu pakhat nih a chim.

“Mawlamyine khuachung thlakhat chung lawng ah Covid-19 zawtnak ruang ah nifatin ngawt in nunnak liam mi an um,” tiah a chim chap. Cun, Mawlamyine zong ah Covid zawtnak aa chonh mi cu nitin ngawt in a um caah Covid-19 zawtnak aa chonh mi an karh ngai, tiah theih a si. Credit: The Chin Post

Be First to Comment

Leave a Reply

Your email address will not be published.