A Poi Taktak Khi Si: SAC Ralkap Hna Nih PDF Minung (14) An Tlaih Hna E
Monywa Local PDF 14 Kan Tlaih Hna Tiah SAC Ralhrang Nih An Thanh. Sagaing ramthen, Monywa (မုံရွာ) peng khuate pakhat ah Local PDF pakhat an tlaih hnu ni tlawmpal ah a hawi le dang zong tlaih an tong tiah khua mi nih an chim.
“PDF tlaih mi hna hi a dik ko, pakhat hnu pakhat in an tlaih hna, an tlaih hna nak hi kahdoh nak a chuah pengnak hmun zong a si. Zeitik ni caan ah dah an tlaih hna ti cu fiang in kan thei lo”tiah khua mi pakhat nih a chim.
March 15 ah PDF minung 14 hna cu hriam nam he tlaih a si nak kong SAC ralhrang nih an langhter. SAC nih Monywa peng chungah Martial Law an chuah hnu in tualchung PDF he kahdohnak a fak. March 19 ni zongah SAC ralhrang lutlai Min Aung Hlaing cu Monywa a phan i ralhrang chung khar hna he tonnak zong a ngeih hna tiah kan theih. #MAT #Lungmi_Post
Thilṭhitnak Sehzung Ah Umhmun A Khuarmi SAC Ralkap Kah An Ton Caah 3 An Thi. Sagaing ramṭhen, Salingyi khua um No.1 thilṭhitnak sehzung ah umhmun a khuarmi SAC ralkap kah an ton caah 3 an thi, tiah Teymintaman Guerrilla- Salingyi in ṭuanvo ngeitu pakhat nih a chim.
March ni 22 zinglei ah Salingyi khua um No. 1 thilṭhitnak sehzung chung ah umhmun a khuarmi SAC ralkap le phusawhti cu mi chokvai le khualtlawng mi tangka an hal hna ruang ah kah an ton hi a si, tiah theih a si.
SAC ralkap nih umhmun an khuarnak hmun cu Teymintaman Guerrilla- Salingyi le ṭangṭi phu hna nih, hriamngan 40mm le hriamhme in an kah caah SAC ralkap 3 an thi.
Cu kahdohnak ah Teymintaman Guerrilla- Salingyi, Salingyi Revolution Army (SRA)၊ Salingyi peng Pah Kah Phah, Shwenyiko Guerrilla-Salingyi, Chindwin Defense force (CDF) le Taungpanni Guerrilla phu hna i bawm in an kah hna, tiah Teymintaman Guerrilla- Salingyi phu in ṭuanvo ngeitu pakhat nih a chim.
