A Poi Taktak Ko E: Chinram Matupi Mipi Nih Harnak Fak Taktak An Tong Cuahmah Than Cang Ee

Chin ramkulh, Matupi ah facang a um ti lo caah tualchung mi hna harnak an tong tiah theih a si. Matupi ah facang a um ti lonak thla thum leng hrawng a si cang caah tualchung mi hna cu harnak tong in, an ngeihmi facang cu tikaluk chumh in a eimi zong an um cang tiah theih a si.

“Dawr ah facang cawk ding a um ti lo, December thla hrawng in facang aa cawk ciami hna cu ei awk ngei zong an um nain, nikhat ṭuan nikhat ei in nica rianṭuantu ca ah harnak an ton ning a fak khun, cheukhat cu tikaluk chumh dirhmun tiang a phanmi zong an um” tiah tualchung mi pakhat nih a chim.

“Facang a rak dih hlan ah Matupi khuachung ummi facang le sau deuh chiah awk a ṭhami readymade eiding hna cu SAC ralkap nih tam tuk an rak i cawk cia, khuachung ah facang lutmi a um ti lo. Matupi gate ah SAC ralkap nih facang le readymade eiding hna cu khuachung phanhter loin an chuh dih hna, phaisa pek in maw an chuh hna phaisa pek loin ti cu fiang tein kan thei lo” tiah tualchung mi hna nih an chim.

Chin ramkulh, Matupi peng ah phone line le internet line phihpiak an ton caah, pehtlaihnak tuah ding ah a har tuknak hmunhma a si pin ah facang eiawk cawk ding um lo tiang in harnak tongmi an si. The_Matupi_Times

Adang; Atu Karen KNU hruaitu pawl iphuak dingin ca achuahtu ramleng phu khi KNU Concerned Group an ti le… atu KNU hruaitu pawl khi tuante in an rak doh cang hna. NCA an thutmi hrim kha an rak duhlo.

Vice Chair asi balmi Naw Zipporah Sein, atulio Vice Army Chief General Baw Kyaw Heh, KNDO Chief asimi General Nerdah Mya le Vice Chairman & Foreign Secretary a rak simi David Tharckabaw tepawl hi KNU CC hruaitu nih an rak hlawt hna. NCA a duh lomi an si, lungthin haak taktakmi phu an si. Kawl he ramdaihnak hi an zumlo.

Cu ruangah ramleng Karen mipi nih atulio KNU hruaitu cu an duh hnalo i, KNU Concerned Group tiin tu leklek ca an rak chuah. NCA an thut lio ah Tuluk milu 150,000 um khawhnak khualipi Shwe Kokko New City cu an ram ah $15 billion dih in hmun sernak nawl an pek hna.

Casino, Karaoke, Bar le လောင်းကစား a phunphun nuamhsaihnak zong a um. Karen miphun rawhnak le tlaunak asi an ti, an lung a rak faak khun. NCA chungah Ralhrang sakhan tampi Karen ram ah an thar chuah fawn. KNU/KNLA sakhan pawl fawite in kal khawhnak dingah lam thatha an chunh. An hruitu pawl hna cu Kawl ralkap pawl he business phunphun an tuah.

Atu dohthlennak aa thawk lebang hin an zual hma. KNU Concerned Group minung hi တပ်မဟာ (၅) pawl khi an si i, atu i ralhrang a do baktu le PDF tampi zong a bawmtu an si. Karen ram 70% kahdohnak hi တပ်မဟာ(၅) chungah asi. တပ်မဟာ ၂ le ၆ hi tlawmpawlte an i tel ve. ၄ lebang cu SAC he an ikawp in PDF tampi zong an leirawi hna, PDF minung 50 hna cu an tlau lan.

Atu hi an KNU conference/ congress term zong a dih cang nain, congress an au kholo. Phu 2 khan in an um. Ralhrang a dohmi le, ralhrang he aa kawpmi tiin an um.

An Chairman Padoh Mutu Say Poe le CEC member Padoh Manh Nyein Maung hna cu ralhrang he an ikawp lawlaw khi asi. Padoh Manh Nyein Maung hna cu SAC Union Member ah Ralhrang nih uknak an lak cangka in nihin ni tiang ai tel.

Cu lak ah DKBA, KNU/KNLA- PC hi NCA ah an hmun peng rih. Saw Chit Thu hruaitmi Karen BGF khi ralhrang minung an si hoi. Ralhrang he ikawp in mipi a dotu an si.

Atu KNU Concern Group nih an tanh ngaimi hna cu Kawthoolei Army khi a si. KNU ah Chairman kum saupi a tuanmi General Bo Mya fapa asimi General Nerdah Mya (KNDO Chief) cu ralhrang spy 25 leng a thah hna ti puh ruangah, KNU in an phuah.

Cu hnu ah Kawthoolei Army khi a dirh i, Karen mino le ramleng tampi zong nih thazaang an pekmi asi. Salai Mcung nih biahalnak a tuahmi ah, a tawi fiannak in siaherhnak he ka hun thai duak….. Credit; Ram Tinthei