Press "Enter" to skip to content

A Poi Tuk E Aw SAC Ralhrang Motor Hmaiah Kut Zung (3) A Thlirtu Pa Cu Meithal In An Kah That

!
Yangon khuapi North Dagon peng chung Bohmu Ba Htu lampi cungah a kalmi SAC ralhrang motor hmaiah mipa pakhat nih duhlonak langhter in a kut zung (3) cunglei ah a thlir caah ralhrang nih an kah that tiah pawngkam ummi nih an chim.


Febuary 9 zinglei sml 9:00 hrawngah Bohmu Ba Htu lampi 360 datsi zuarnak dawr le Ba Htu inn pawngah mipa pakhat cu SAC ralhrang ralkap motor hmaiah dir hratin a kut zung (3) thlir in duhlonak a langhter.
SAC ralhrang nih an kah that mipa cu Ko Kaung Htat Paing a si i, hringtu a nu he bus cung in an tum lioah ralhrang motor a dirmi hmaiah cun rianrang in a zuan hnawh hnuah a kut zung (3) thlir in duhlonak a langhter.

Meithal kahnak in nunnak a liammi Ko Aung Htet Paing cu kum 27 minung a si cang i, SAC ralhrang nih nawlngeihnak an laak hnuah riantuan ngeilo dirhmun ah a um caah SAC ralhrang cungah lungfahnak a ngeitu a si tiah naihniammi nih an chim.


SAC ralhrang nih Ko Aung Htet Paing cu meithal in an kah that hnuah a ruak zong an kalpi tiah theih a si.
SAC ralhrang nih hriamnam ngei lomi daiziar in duhlonak a langhtertu mipi cungah thahnawnnak le tlaih in hremnak pek tibantuk ch pehzulh in an tuah zungzal hi a si.

Be First to Comment

Leave a Reply

Your email address will not be published.