A Poi Tuk EE CDF-Hakha Salai Van Tha Simon Nih March 5, 2022 Ah Ral Ram Hmun Ah Ram Le Miphun Caah A Nunnak A Pek

a poi tuk ee lai pasal tha cu ram le miphun caah a nun nak a pek than,nai ah thantlang cdf nih Hakha le falam kar kah dohnak ah pasal tha pahnih nih an nunak ram le miphun caah an pek cang.a tuah tuani ah hakha CDF pasal tha Van Tha Simon nih a nunnak a pek ve.
tulio hi Hakha ah ralhrang le CDF pawl an i kap lengmang tiah thawng theih asi,nai zongah hakha khuachungah bomb a puah lengmang nain mi a hliam ti le an thi ti cu thawnga si lo,a tu bantuk in salai van tha simon a nunnak a liam hi zei tin dah a nunnak a liam ti hi thawng fiang a um rih lo,nain CDF ralkap pakhat a si ti cu thei a si.

tantak mi inchungkhar pathian tu nih nan ngaihchiat nak in hnem ko hna seh,salai Van tha simon na ram le na miphun nih upatnak sang bik kan in pek,nan nun chung ah tuan bia dawh tuk miphun nh philh awk a tha lo mi tuanbia nan kan tial piak,nan liam sia herh ve theo lai mu,R.I.P.

THAWNGPANG DANG…Sagaing ramthen, Kyun Hlah peng, Waithaw khua pawng ah SAC ralhrang hna cu bomb puahhnawh an tong i mizapi vengtu ralkap hna le ralhrang pawl karlak ah kahdohnak a chuak i SAC ralhrang 20 nak tam an thi. Ralhrang pawl nih Wailahmu ( ဝေလမူ) khua mi Kyaw Thet le Hliang Phyo hna cu an thah hna i Nu pali cu an tlaih hna i an kal pi hna, tiah khua mi nih an chim. Cu ralhrang phu hna nih cun March 1 ah Kyun Hlah peng, Thafan Sik Se nitlak lei um Wailahmo khua cu MI 35 helicopter 2 in an kah hna hnu ah minung phor helicopter pa 3 in SAC ralhrang pawl cu an chiah hna i khuachung ah cun an lut, tiah theih a si.

Khuachung cu an luh hnu ah inn 3 le lei thuannak seh 2, mawṭaw ngan 2 le mawṭaw hme 1 hna cu an hrawh i, khuachung um mi CDM ngandamnak lei cozah rianṭuan pawl Nu 3, khuachung Nu 1 le Wailahmo khua mi Kyaw Thet le Hliang Phyo hna cu an tlaih hna i nihin ah Kyaw Thet le Hliang Phyo hna cu a ruak in hmuh a si. Nu 4 hna cu an umnak hmun hngalh lo in an tlau, tiah theih a si.

“March 4 ah Wailahmo( ‌ဝေလမူ ) khua ah CDM ngandamnak lei cozah rianṭuan 3 le khuachung Nu 1, Pa 2; an zapi minung 6 hna cu an tlaih hna i ralkham ah an hman hna. Cu an tlaih hna hnu zanlei 12:00 luan hrawng ah kahdohnak a chuak i SAC ralhrang 20 an thi. Nihin March 5 ah SAC ralhrang pawl nih an tlaih mi hna an kawl pah ah Mg Kyaw Thet le Mg Hluan Phyo hna ruak cu an hmuh. Nu 4 tu cu hmuh an si lo,” tiah khua mi hna nih an chim. Cu ralhrang pawl nih khua mi 6 an tlaih hna hnu in Waitaw( ဝေ သော်) khua pawng ah mizapi vengtu ralkap hna le SAC ralhrang hna karlak ah kahdohnak a chuak i SAC ralhrang 29 nak tam an thi, tiah theih a si.

Cubantuk in Sagaing ramṭhen, Khin Oo( ခင်ဦး) peng, Dan Kone ( ဒန်းကုန်း) khua cu SAC ralhrang phu hna nih nihin March ni 5 zanlei Sml 2:45 hrawng ah a khua ning piin an duahpiak hna i kum 5 ngakchia pakhat hriamngan kuan nih an tlak, tiah Khin Oo peng thawngpang dik thanhtu phu hna sin in theih a si. Atu ah cun khuachung um mipi hna cu an zaam dih i mei a thattu an um lo caah khua ning piin a kang kho.