A Poi Tuk EE Ramthlo Baptist Pastor Pa Nih Bomb A Lamh Sual Caah A Ke Bul
Chin ramkulh Falam peng, Ramthlo khua, Baptist Church i Pastor a si mi Pastor Aung Shwe cu Vaute 5 zinglei suimilam 9:45am hrawng ah vulei i an phummi bomb a lamh sual caah hliam a tuar, Pastor Aung Shwe cu Lo a kal nak lam ah bomh a lamh caah a kemit in a bul tiah theih a si.
Pastor Aung Shwe cu kum 48 hrawngmi a si i, hmaizarh ah tuah dingmi FBA Triennial ah Reverend pek dingmi a si tiah theih a si.Pastor Aung Shwe cu Falam sii-inn ah kal pi a si.
Kee kan neih lo zongah raldohnak ah kan kal than lai tiah mizapi vengtu KNDF-BOO1 ralkap nih an chimAluancia mi Febuary 11 ah Karani ramkulh Di Moe Su kahdohnak ah a kee khat abul mi mizapi vengtu phu KNDF-BO1 ralkap 3 nih kan kee a bul zongah kahdohnak kn i din hlei lai lo ralhrang an tei hna hlan poahpoah cu kan i tel ve peng lai tiah an chim.
Kan kee cu kan pek cang nain Kan mit le ka hnakhaw kan ngeirih.Kan nih hi mizapi vengtu phu sin ah kan lutrih lai tiah kan lungchungah a chuak. Ralhrang kan tei hna hlan tiang meithal tlaih kan i tim ko rih tiah a kee bul mi mizapi vengtu KNDF-BO1 ralkap pakhat nih achim.
An nih pathum hi atu ah cun an keehma adam rih lo caah KNDF sii-inn ah an i thlop cuahmah lio asi.An nih pa 3 hi an ker dam in an rian thing ah kir ai tim mi pasal tha an si.An lungput an ruahnak ram le miphum an zawnruahnak an thinlung hi upat tlak taktak an si tiah KNDF ralkap pakhat nih achim.
Hi hna pathum an rak i hliam ning an chim mi ah cun Pa 2 hi Di Moe So kahdohnak ahRalhrang nih an tarh mi Bomb an i lamh sual i kee khat veve a bulnak asi i, pa 1 cu ralhrang hriamngan nih a khen caah a kee khat a bul ve tiah theih asi.Hramhram in ralhrang nih Uknak an lak hnu
2021 February 1 in 2022 March 2 tiangah Karani ramkulh chungah hramhram in uknak latu ralhrang phu le KIA, KNDF, PDF phufonh karlak ah kahdohnak voi 187 a chuak cang i KNDF, PDF in hriamtlai phu minung 87 nih miphun le ram caah an nunnak an pek cang tiah PKPF i thawng thanh ning in theih asi.
