A Poi Tuk Ee! SAC Ralkap Nih Khua Mi Minung 7 Bak An Thah Hna Ee!

Sagaing Peng Khuate 2 Ah Khua Mi 7 Thah An Tong! Sagaing ramṭhen, Sagaing peng Mu Thar (မိုးသာ) khua le Ta Hliang Islans(တလိုင်းကျွန်း) khua ah SAC ralkap nih April 23 ah khua mi 7 an thah hna, tiah tualchung mi nih an chim. Mu Thar khua ah minung 3 cu April 23 ah an thi i, Ta Hlaing khua ah mipi vengtu ralkap 4 cu April 22 ah tlaih an tong i April 23 ah an ruak in hmuh a si, tiah min langhter a duh lo mi pakhat RFA ah a chim.

“Atu lio hi SAC nih rallam an sial lio pi a si i khua mi zong kan zaam dih, an tlaih mi hna cu thah bak a si ko, atu zong Mu Thar khua cu SAC ralkap an lut chuak peng ko,” tiah a chim. SAC ralkap nih Mu Thar khua an thah mi hna cu Ko Aye Ko(ကိုအေးကို), Ko Hte(ကိုဌေး) le Ko Myint Maung(ကိုမြင့်မောင်) an si i Ta Hliang khua an thah mi hna cu an min theih an si rih lo.

Sagaing peng ah SAC nih rallam an sial caah Thar Si Lay(သာစည်လေး), Phaya Hla(ဘုရားလှ),Mu Thar(မူးသာ), Ngaung Pin Se(ညောင်ပင်ရှည်), khua pawl tel in khuasarih in tualchung mi minung 5000 leng cu anmah he naihnak ramlak le a himnak hmun ah an zaam hna, tiah theih a si. SAC ralkap doh an duh hna caah Monywa-Minmu-Mandalay motor lam cu April 23 chunhnu khan hman rih lo ding in Knight Commander(MMU) nih April 23 ah cathanh an chuah. Crd; The Chin Post

Relchap; Mipi Thatnawn Man Degree Le Minṭhatnak Hi A Va Lianngan Ve Lai Dah. Satan hmanh nih amah le mah minṭhat Cungnungnak aa pek lo ballo, Pathian nih Lucifer le Satan, Demon, Devil, Belzabul, Darso sethiam pa, Lihtin thiam, Rulpuar, Limkeng, Sahrang, Lohtlau fapa, anu paw chung in ati in a zut ding pa, tbk tiah min apek ning in aum ko. MAH hi Satan nakin maw asual deuh hnga, Lucifer nih Saya ti awk tiang in aum mi MAH asi cang.

Mah le mah roca I pek hmanh ka theih bal rih lo. Pu MAH nih amah le mah minṭhatnak le Degree aa pek tiah ti lai kha aphang caah, (3209) cu a pek chih hna. 4 February 2022 ah 1200, Rallokap Ni le Kawlram Kumthar ah 1009 cu minṭhatnak le Degree apek hna. Democracy Chan PM U Nu, Ralhrang Ni Vung le Socialist President U San Yu, Ralhrang a Pu Thang Sui, VP Myint Swe, KNU Luzik Saw Mutu Sephaw, Bohmuci Khu Ukka, PaO hruaitu, Bochuci Yuasit, RCSS tbk hna an I tel.

Mipi caah nunnak apek tu hna le mipi caah aapumpe mi hna, mipi siṭhatnak le ṭhanchonak caah a ṭuan mi, mipi duhdim nun kan ngeih I alamkip in kan ṭhancho khawh nak hnga, nunnak le thisen pek in a ṭuan mi hruaitu le minung kha minṭhatnak, Laksawng le Degree pek an si tawn. Mipi 54 millions an kan doh tu MAH nih Degree aapek mi hi Aruang kawl tikah, hi Vawlei cung ah hmuh khawh asi lo. Cucaah, Mipi Thatnawn man ah aape ti ah adik bik lai.

Cazin khumh khawh lomi le kan bang khawh lomi cu hngalh ve hlah, AAPP nih an Khawmsuat ning ahcun, hitin asi. Uicopa MAH nih Kawlram uktu SPH lakah cungnung bik sinak Degree le minṭhatnak cu amah le mah aape nak Aruang hi tanglei kong lam ruang ah sidawh asi. (1) Sualnak ngeihlo mipi 1782 ankan thah khawh caah (2) Ram hruaitu le dohthlentu upa (547) innlo an kan chut khawh caah (3) Sualnak ngeih lo mipi (10290) thong an kan thlak khawh caah (4) Kum (18) tang ngakchia (2) telin Mino (120) leng thihdan a pek khawh tu asi caah, (5) Warrant in tlaih ding mi 10977 a si caah, (

6) Amay Suu le U Win Myint telin, Mipi chan Uktu luban hna thiam lo coter in tazacuai ngamtu asi caah, (7) Bawhte le nu (289) a that ngam tu asi caah (😎 Nu (156) Ngakchia (133) mino (782) duh poah in a hremh ngam I, a tlaihrem hna hnu ah that ngamtu asi caah, (9) Mipi innlo 10000 (9187) mei in adua ngam tu asi caah (10), Ralzam mi 1000000 leng asi ter khawh caah (11), Loikaw le Thantlang khualipi a rawk ter I aking ter khawh caah (12) Vawleipi nih misual bik, damiah le Gangstar Luzik min an pek mi lunglawmhnak caah (13) Ava hmai ah mi nupi cu abu in a tlaihrem ngam tu an si caah (14) Nufa rual hna tlaihrem hnu ah that ngamtu ansi nak langhter nak caah (15) Genocide nawl buar biktu an si ti langhter nak ah (16) ICC ah tazacuai in hrihthlai in thah kan si lai caah mah le sawm kan I tuh asi ti langhternak caah, tbk a tam tuk, ṭial cawk ti lo.

Degree an I pek ning hi Paalih holh asi caah mirang le Laica in fainter an herh ko. မဟာ an ti mi khi Great timi a aliannganbik ti nak asi. အဂ္ဂမဟာ ti asi ahcun The Great Of Great tinak asi. Tin Sui an pek mi Degree asi. သတိုးမဟာ tinak cu Great King or Great Princes tinak asi. MAH I သတိုးသီရိသုဓမ္မနဲ့ သတိုးမဟာသရေစည်သူဆိုတဲ့ ဂုဏ်ထူးဆောင်ဘွဲ့ timi Degree cu Kawlram uktu SPH le Biaknak ah cungnung bik le liannganbik cu Keimah lawnglawng ka si tinak asi.

Satan Lucifer nih Keimah tiah Voi (5) ati caah vancung in hlawnh asi. MAH cu Keimah tiah voi thong 100 aa ti cang. Biaknak tiang huh chih caah Krifa le Pastorte zong kan luat tilo. Zeiruang ahdah Krifa minih MAH Ralhrang kan dohve lailo. Phaisa kan thawh ve lailo. 1/10 cu CDF kan pek lailo. Tuak cikcek ve cang ko uh.

Hi minṭhat cungnung nak caah MAH nih Rampi phaisa 850 billion a hmang. Kawlram ah 24 hours mei vang awk ah 700 lawng a dih. Electric mei nak in 150 billion tam deuh adih. 1500000 millions adih. Ram le miphun dawtu ciammam. Rampi phaisa lut 60% zong aalak dih. UK Queen Elizabeth hmanh rampi phaisa 5% lawng an I lak. Thailand SPH khi 2% lawng an I lak. Tlangcung mi ka dawt ati le EAOs he biaruahnak ti cu hodah a zumh khawh lai.

Mipi cozah chan ah CHINRAM kum (5) budget kha 300 millions lawng asi khah. Tuak cio ko uh. USDP chan ahcun 30 millions lawng asi. Thang Sui chan ahcun, 3 millions lawng asi. Azeidah kan ram le kan minung ansi tiah CHINRAM cu an ti ngam. An zemlo hmanh asi lai lo. Zaseh thinhung in athih khawh kasi. Crd; Zingtincuai Cinzah