AA Ram Chung Ah Ralhrang Pawl An Rak Luh Ruangah Feb 4-6 Tiang I Kahdohnak A Chuahnak Asi Tiah AA Nih An Chim
Rakhine ramkulh, Muang Taw(မောင်တော) peng ah February 4 in February 6 tiang kahdohnak a chuahnak a ruang cu AA ram chung ah ralhrang pawl an rak luh ruangah a si, tiah AA chimphuan tuanvongeitu Khine Thu Kha( ခိုင်သုခ) nih a chim. Nizan February 6 ahzong ah ralhrang an rak ra i kahdohnak a chuak. Ralhrang phu hna nih AA nih a uk mi hmun Latpan tlangthluan ah lut ding in an i timtuah, tiah Khine Thu Khah nih a chim.
“February 6 zanlei Sml 3:00 hrawng in 6:15 tiang kahdohnak a chuak. Kahdohnak a chuahnak hmun cu Muangtaw ( ေမာင်ေတာ ) peng, Mi Than (မီးတန်း) khua, Latpan (လက်ပံ) tlangthluan ah ralhrang pawl cu an rak lut i, AA theihpinak loin an luh caah kahdohnak a chuak. Cu kahdohnak a thi mi le hliam a tuar mi an um theih a si rih lo. Ralhrang lei in a thi mi a um kho,” tiah Khine Thu Kha nih Yangon khit thit ah a chim. Rakhine thawnnglatu hna nih an chim ning ah cun Muangtaw (မောငျတော) sii-inn ah palik 2 ruak le ralkap 7 ruak cu february 6 ni zanlei ah an phan, tiah theih a si.
thawngdang..Mandalay ramṭhen, Myinchain(မြင်းခြံ) peng Anink(အနိမ့်) khua ah February 4, ahkahn ralhrang phu chungtel hna le pyusawthi phu hna cu bomb puahhnawh in doh an ton caah bu-gyi telh in minung 3 an thi, tiah Myaung Fighter Defense Force phu nih an chim.
“Ralhrang phu hna nih nawlngeihnak an laak kumkhat tlin camtuak ah tuah mi pumpululh puai ah ralhrang phu chungtel le pyusawthi hna cu bomb puahhnawh in kah doh hna. Ralbawi pakhat a thi tiah khua mi hna sin in kan theih i, bomb puahkehnak a chuah hnu ah kethum ngei motor(သုံးဘီး) he an i thiar hna, tiah khua mi pakhat nih cun a chim. Mizapi ralkap lei cu hliamtuar um lo in hnu kan tolh kho ṭhan. Bomb lung hnih puah a si i a voihnihnak a puak mi ah a thi mi le hliamtuar an um,” tiah Myaung Fighter Defense Force in Bu Latgya nih a chim.
