Antony Davis: Ralkap Nak In Mipi Kan Lung Asau Deuh Ahau. Tutan Myanmar ram buainak hi zoh tikah 1988 le 2007 lio he an i dannak a tampi! Mah hlan bantuk kha si sehlaw cu atu ahhin ralkap nih hin hriamnam taktak an hman cang lai! Zeiruangah dah atu tiang ralkap nih hriamnam an hman lo? Vawleicung ramkip ralkap le ral hriamnam lei hlathlaitu Antony Davis nih RFA he biaruahnak ah hitihin a chim!
Atu tiang ralkap nih hriamnam taktak an hman lonak a ruang cu 1988 le 2007 lio bantukin thisen luang hlah seh ti an duh caah a si! Thisen a luan ahcun China zong nih a sik lai! Cun ramdang dang zong nih an ralkap an thlah khawh! Ralkap nih cun duhlonak a langhtermi mipi an tha a der i an lung a dongh tiang lungsau tein an hngah ko lai”.Cucaah mipi hi ralkap nakin kan lung a sau deuh hrimhrim a hau! Mah ti lo ahcun teinak hmuh lo a fawite! Kan harnak cio ah i bawm, i dirkamh in ralkap uknak a rawh hlan lo tiang lungsau in mipi nih CDM hi kalpi ko usih. Credit: Chin Post.
Nusung Htg- Nunu: Ṭih Hlah Uh, Thawng Ka Thanh Rih Ko Uh. Keimah cu Pathian biakinn ah hla hruai i, ka zuam bikmi biazai le thazaang peknak ṭial te hi ka duh bikmi a si, ka zuam bikmi a si fawn. Atu ka tuahmi hi ka ttuanmi rian he zong ai kalh. Vawlei cungah a him bikmi ram ah a um i hnangam tukin a ummi ka si ko. Hawi dang cio bang dai tein a um khomi ka si. Ca ṭial zuammi men men ka si.Lainu zapi sin a langmi ah a nauta bikmi ka si. Midang ruangah Pathian ka cungah ai lawm lai lo ding a ṭih tukmi ka si ko.
Asinain Kawlram ralkap nih uknak an vun lak tikah dai tein ka um kho ve ti lo. Ka cattialnak cakuang pi cu mino hna an duhmi phuan nak caah ka phah. A tanglei ka post mi bangin ca ka postmi pawl hi keimah duh in ka postmi ai tel lo.Thantlang kong zongah palik nih hmuh ruangah lungfak tukin bia porh hna seh law, i runvennnak a hlei luat in hung ka chim hna seh law sual ka phaw hna lai lo. Palik le ralkap kutin an tem tuk ve tikah an i khamhnak a si ve ko.
A chim tu min an theih i thong a tlak dingmi nakin, keimah fb ah an ka ti kha ka tuar khawh deuh lai. A thin a tawi tukmi ka si caah hin, i siknak ah i tel ka duh lo. I sik loin a si khawh chungin i rem i thil sining i fianh a duhmi ka si.Ka palh zong palh lo zongah ka ngai thiam ka ti ruangah buainak a dam a si ahcun ka ngaithiam ti hi ka chim pengmi a si. Nain caan tampi cu biafak in an ka ti tikah thin i sum loin mi leh ka hmang.
Cucu ka der thawm biknak a si.Ka min zong tampi nan rak hmuh lai. Lih in ca a ṭial timi pawl zong. Asinain Lairam ummi hna an him a si ahcun keimah ka min cu chia rih ko seh. Ralkap uknak an duh lo tuk lio a si caah an ka fial tein ka ṭuan rih ko lai. Hi kan ralpi a dih in keizong dai tein ka um lai i Biazai le thazaang peknak lawng ka ṭial ṭhan te lai. Kan ralpi a dih hlan cu mi mit kem chung rih ko ning mu. Credit: Nusung Htl- Nunu
Be First to Comment