American Ralbawi Ngan Bik Nih Ralrinnak A Pek Hna A Thin Phang Ve Cang
American i ralbawi ngan bik nih Ukarain ram cu Russia nih luhhnawh in a kah taktak ahcun a thimi an tam tuk te lai tiah ralrinnak a pek hi a si.
Ukarain ramri ah Russia ralkap tamtuk a chiah caah ralpi a daih hnu ahcun a ngan bikmi ralkap thazaang a chiahmi zong a si tiah amah nih cun a chim chih.
American runvennak vuanci zong nih Russia nih luhnawh in a kah taktak ahcun Ukarain nih aa venkhawh nakhnga hriamnam bawmnak pe dingin biachahnak kan tuah cang nain cu buainak kong cu ram khat le ram khat i pehtlaihnak phung ningin daihter khawh zong a si tiah a chim.
Russia nih cun Ukarain ram hi tuk ding le luhhnawh dingah timhtuahnak kan ngei lo i, American tu nih Ukarain leikap a dirhkamhpimi hi a kan thihphaihnak pakhat a si tiah sual a phawt ve.
Ukarain President nih hi kong he pehtlai in thinphang thlalau in tuah lo dingin thawnglatu hna sinah chimnak a ngeih hnuin ralbawi ngan bik nih atu bantukin a chimnak hi a si.
Ref: Deltanewsagency
Thawngpang dang….Tamu Le Kalay Lam Ah Ralhrang Motor 2 Bomb In Puah An Si I Ralbawi Telh In Pathum An Thi. Tamu in Kalay kal ding ralhrang motor 2 cu PDF-Tamu Batalian 3 nih Vuatoh le Yianlinphai khua lak ah, January 30 zinglei suimilam 10:23am ah an kah hna.
“An rak phanh ding kan hngak i bomb kan puah, bomb puah hnu suimilam pakhat luan hrawng kan i kap, mithi le hliamtuar hna cu mizaw phurhmak motor in Talam lei ah an phurh hna ” tiah tuanvo ngeitu pakhat nih a chim. Credit; 21 the chin time
Magwe-PDF nih SAC Palik Sakhaan Pakhat an Lak. Nihin January 29 ah Magwe ramtthen, Miang peng, Linkahtaw SAC palik sakhaan cu Magwe-PDF bu 4 fonh nih an doh i an lak khawh.
Palik sakhaan chung i meithal zun 8, kuanfang 600 leng, kutcheh bomb (Grenade) cheukhat le motorcycle 4 telh in SAC palik he aa pehtlaimi catlap le a dangdang thilri pawl an lak khawh hna. Magwe ramtthen chung Maing peng hrawng hi atulio PDF an tthawn ngainak hmun a si.
