Press "Enter" to skip to content

An Cei Bak Cang Lai Hih,UN Palai Tom Andrews Nih Kawlram Police Hna Cung I A Chim Mi Cu

UN Palai Pawl Nih Kawlram Police Pawl Cu Warning A Pek Cang Hna! UN palai nih kawlram police pawl cu tuchun ah warning a pek cang hna tiah theih a si. Nan cawlcangh le nan umtuning nan zia nan tthinh lo i a tu bantuk in nan cawlcangh tthan ahcun UN lei nih action nang cungah kan lak cang lai tiah UN palai nih Kawlram police pawl cu warning a hun pek hna. Tuzan ahkhan Kawlram nuhrin covo ngiathlaitu UN Special Rapporteur nih duhlonak langhtertu mipi pawl tthekdarhtu Kawlram.

Police pawl cu ralrinnak a hun pek hna. Ralkap nih uknak an lakmi duhlonak a langhtertu mipi pawl cu police pawl nih thisen luang tiangin hriamnam hmangin hruhru hranghrang in an cawlcangh hnawh hna caah kawlram nuhrin covo ngiathlaitu UN Palai nih ralrinnak a hun pek hna.Duhlonak a langhtertu mipi cungah ttihnung le tuksapur a simi thil tuah a si ahcun cunglei nih order an kan pek caah ka tuahmi a si tiah biasiphai in um zong.

A ngah lai lo tiah UN palai Tom Andrews nih tuchun cathanh a chuahmi chung ah a ttial chih. Kawlram chungah mipi nih ralkap uknak duhlonak cu khuapi kip ah an tuah i February 9 ah Naypidaw i duhlonak a langhtertu pawl cu palik nih.Ti pep, rubber bullet le meithal in an kah hna caah mino minung pahnih zong faktuk in hliam an tuar pinah kum 19 nungak note zong a lu ah an kah caah a nunnak a liam.

Palik pawl nih sandah piahtu mipi pawl hruhru hranghrang in an tuahto hna caah atubantuk in UN palai nih palik pawl ralrin peknak cathanh a chuah hi a si. Tuzarh cacawn ninga ni ah kawlram buainak kong he pehtlai in UN Security Council pawl Emergency in meeting tuah an i tim i mah meeting an tuah hlan ah atu bantuk in UN palai nih cathanh a chuah hi a si. Ref. RFA/ Online News

Be First to Comment

Leave a Reply

Your email address will not be published.