April 15, Nikhat Chungah SAC Ralkap 40 Leng An Thi
Myanmar Ram Pumpi In April 15, 2022 Nikhat Chung Ah SAC Ralkap 49 An Thi. Myanmar ram pumpi in dohthlennak tuah hnu April 15, 2022 nikhat chung kahdohnak ah SAC ralkap 49 an thi i PDF 2 an nunnak liam tiah Yangon Khit Thit nih a thanh. Cazin ning ah SAC ralkap a thi mi hi Yangon ramthen Kawhmu(ကော့မှူး) ah 1, Sagaing ramthen Monywa ah 4, Khin U ah 33, Shan ramkulh Muse ah 4, Magway ramthen Pakokku ah 5, Pago ramthen Daih Oo(ဒိုက်ဉီး)/ Ayeyawady ramthen Kyangin(ကြံခင်း) ah 2 an dih lak 49 an si. Khin U ah PDF 2 an nunnak liam. The Chin Post
Bago ramthen Pyi pengkomh Pawngtae (ပေါင်းတည်) peng Laepin(လဲပင်) khua ah umhmun khuarmi SAC ralkap hna cu Pyi pengkomh PDF battalion 1 le 2 nih luhhnawh in an kahdoh hna, Cu kahdohnak ah cun SAC ralkap a tlawmbik 3 an thi tiah Bago ramthen PDF in tuanvo ngeitu pakhat nih a chim.
Pawngtae (ပေါင်းတည်) peng Theinkung khuakomh Laepin (လဲပင်) khua cu meikhangh in hrawh a si hnu ah, SAC ralkap minung thazaang 16 nih umhmun an khuar, April 15 ,nizaan chun hnu suimilam 3:00 hrawngah Pyi pengkomh PDF battalion 1 le 2 phufonh nih an kahdoh hna hi a si.
“SAC ralkap a thimi minung 3 lawng kan fehter khawh, a dang cu hliamhma an tuar, Leeng in an thiar hna tiah tualchung mi nih an chim, a tu zong ah cu ka hmun ah bawmtu ding in SAC ralkap an ra than” tiah Bago ramthen PDF in tuanvo ngeitu pakhat nih a chim.
Kaphnihkar kahdohnak minutes 20 hrawng a rauh hnu ah, SAC ralkap a tlawmbik minung 3 an thi, tualchung hriamtlai phu hna cu hliamhma tuarnak umlo in hnu an tolh kho tiah theih a si. SAC ralkap hna nih Laepin (လဲပင်) khua kahdohnak a dih hnu zaan ah a voihnihnak mei an khanghthan tiah theih a si.
Nizaan Laepin (လဲပင်) khua ah a cangmi kahdohnak cu Pyi pengkomh PDF hna caah April thlachung ah a voikhatnak SAC ralkap hna he kaphnihkar kahdohnak a chuah a si.
Relchap; Sagaing ramthen, Myaung peng khua pakhat ah rithaisii a zuartu minung 2 cu PDF nih ni zaan April 15 an tlaih hna tiah Civilian Defense Security Organization Myaung( CDSOM) rian ngei tu Sin Yaing(ဆင်ရိုင်း)nih a chim. Sii tlang pum 180 le phaisa 407000 MMK leng an tlaih, pakhat cu a caw i a hmangtu a si i pakhat cu a zuar i a hmangtu a si tiah a chim.
” Kan tlaih mi hna pahnih hi tu lio ah phunglam zong a um lo caah kan hren sawhsawh rih ko hna. Ei din tii rawl zong tha tein kan zohkhenh hna i chimhhrin nak ah khor kan cawh ter hna,” tiah CDSOM riang ngei tu nih a chim.Rithaisii a zuartu hna hi CDSOM, (Maung) MUA, PDF Taloke le Sagaing pengkomh batallion 1, (2) tat-khoi (3) hna i bawm in an tlaih mi an si tiah theih a si. Credit; The Chin Post
