Atu Kan Dirhmun In Cun CDF Nih CNA Command Nak Tang Um Duh Lo In CNA Ah I Fonh Duh Thai Lo In An Um Sual Cun Kan Raldoh Mi Hi A Rau Lai Lo

A tu ning in CDF nih CNA Command nak tang um duh lo i,CNA ah an ifonh duh thai lo sual ahcun kan dothlennak hi sau a rau rih men te lai tiah ka zumh.

Ramleng CDF supporting committee upa pawl nih hin kan ram hi Sian ram bantuk ah kan center lai lo ti hi chim khawh asi lo,phan awk ngai ngai asi. Mipi zong nih CNA/F ah si lo in Pengtlang CDF supporting team ah tan kan lak tuk ahcun,Sian ram dirhmun kan phak i kan mah le mah kan i kah sual ahcun CDF supporting team le kan mah hi tazakhan cu kan si te ko lai.

Laimi hi Bible i tleih bu bak in Krihfabu heh ai then mi kan si va si kaw,Meithal i tleihbu le Command pakhat tang ah um lo bu chinchin ahcun nang maw kei ti hi fawi ngai dawh ah ka ruah.

CNA/F nih “CDF kan fale hna CNA ah lut ulaw CNF nih kan in cawm hna lai, nan mah te in nan i hruai lai”anti hna,cucu hei si kho sehlaw mipi nih mahhlan nak in kan support deuh hrimhrim hna hnga i MAH ral tei deuh nak zong asi ko hnga lo maw?

Cun CNF nih “CDF nan mah te in um ulaw CNA Command nak taang ah thate in nan um lai”anti hna,cuahcun CDF supporting committee nih dirkamh hna awk te le CDF kan ralkap zong nih ‘Amen’an ti ding te asi na in an cohlan lo mi le,kan duh piak hna lo mi khi ruahlen phu cu a si.

Kan dothlennak hi kum 2nk kan kal cang va si kaw,raltuk nak thawngpang details kan zoh tik ah CNA a thawn lo hin cun kan vaivuan lai ti hi phan a um ngai in ka thei!

Raltuk kong Strategy a thiammi ka si lo caah kan dothlennak ah through CNA command nak in a kan kalpi ah ‘kan lohma kan lim tuan lai’ti hi kei ka pom ning asi, i nang na pom ning aadang kho… Credit; Tlangcung Vakok

Relchap; Burma Ti Maw Adik Myanmar Ti Dah Adik?? Burma ti mi min hi cuhlanpi ah Kawlbawi nih an Bawi ram an dirhka ah khan India ram mi Vai/Kala sumdawng/Chawlet le biaknak minung hna nih an ral ttawlpal tawn cang.Hindu biaknak i Bramin miphunttha an ti mi hna an umnaak hmun caah an mit a rakthittuk caah,#Brahmadesh or #Brahmavarta an auh/kawh tawn, cu cu Sanskrit holh a si i #Bramin-hna ram (The land of Brama) tinak khi a si rua hih.

Chinese hna zong nih Kawl Siangpahrang ram hi an rak ttawlpal vecang i an holh in cun,#Mian an ti si. British hna belte nih cun” Portuguese hna nih an kawh auh ning in,Birma ti mi kha an hna i an theih ning ah,Burma tiin an holh ahcun an khawmh i cu Burma ti mi min cu official ah an hman,Burma ram caan tlawmpal a rak uk ve tu Japanese cozah zong nih cun” Bama a ti ve, Nippon Japanese hna nih cun an ramah hin Biruma tiin an kawh ve diam.

Independent an sihlan kum 10 tluk ah khan ram kal phung le miphun kal phung fiangfai te in zalonnak huap kho dihtu Ram min a pu kho ding mi min caah hin ,Bamar tinak cun Myanmar ti min an duhnak kong cu an chim tawn. 1948 kum ah independent an neih ah khan Union of Burma ti in Hi Vawlei ram kip cozah hna nih cun an cohlan pi. Democracy ram i hruainak ding caah an thim tlin mi Prime Minister U Nu-a chanlio zong ah khan Burma ti tthiam a si.

1974 kum ah khan Gen .Ne Win- nih One Party system hmangin nawlngeihnak a kalpi lio zongah “Socialist Republic of Union of Burma” ti tthiam a si.Van tuak in van ruat hmanh ulaw,1988 khan Burma ti mi cu,Myanmar tiah an thlen.Cubantuk in Rangoon ti mi zong cu Yangon tiah a min an thlen ve,Mirang hna nih summer station caah an hman Captain C.Khuma suimilam nganpi umnak hmun “Maymyo” zong “PyinOoLwin” tiin an thlen diam.

Kawl miphun a sit taktak ti mi pawl hi cuhlanpi ah hin cun Irrawaddy tiva kam zuahmah deuh le a nuamhnak deuh ah hin an rak um tamnak a rak si. Bagan Siangpahrang ram an rak dirh thokka AD 849 tluk ah khan Mrama tiin an rak i auh ning a sidiam cang.

Kawl miphun he an sining le nunphung / culture ai lo mi hna hi MON miphun hi an si, an lungphun (Mon inscription) ah cun AD 1102 ah khan MIRMA tiin kawl miphun an tuanbia cu an rak ttial diam cang fawn.A tu ralkap bawi (C in C) Sr.General Min Aung Hlaing hi Mon miphun diktak a si.Kawl miphun (Burmese inscription) lungphun zongah MRAMA tiin 1190 AD ah khan King HtiloMinlo-a chanlio ah khan an ral ttial cang fawn.

Myanmar ti mi min nih hin Burma ram chung ah a um mi Miphun a tlawm deuh mi ,Tlangcung mi pawl ,ethnic groups hna cu a huap chih lo tiah theih a si, kawl miphun a si ve lo mi hna nih cun, Burma hi an cohlan thiam deuhtuk. British cozah nih Burma ram pumpi an rak uk lio ah khan vawikhat hmanh Kawl siangpahrang hna nih an kut tangah an chia bal hna lo,Cu an chiah lo mi hna cu,

Chin,Kachin,Shan ram telh chih in Burma ram tiah an kawh chih tawn caah cucu a tu ah hin Myanmar ram tiah an hei ti khi a si.Pi Daw Aung San Suh Kyi zong nih Myanmar cu kawl miphun lawng chimnak a si a ti caah a bia chim khi ttha tein ngai ulaw,Burma tiin a chim lengmang nan theih ko lai.

Myanmar tiin a min an thlen hnuah UNO nih cun a cohlan cawlh ve, USA , UK, Canada, Australia ram hna nih cun cuhlan deuh tiang kha cu an Myanmar ti min hi an hmang duhlo.Asinain Britis nih a ngeih mi , BBC belte nih cun kum 2014 khan Myanmar tiin news/thawng a chimnak ah a hman ve. By- Tin Duh Thang