Mah kong hi a taktak in a cang mi a si! Hngakchia Pa te Serkie cu mang a manh i, a mangah Germany ralkap nih Jet vanlawng in kah an timh hna, a nu nih a fa le pa 2 cu i thup dingin a chimh hna, Serkie cu thingkung cungah a um i, mah Ralkap vanlawng cu Tih awk a thei lo! Chei in Vanlawng cu a cheih i, Vanlawng cu a puak i a kang dih!
Mah ahcun a van i hlau, innka kingh thawng a theih in a nu le a upa dong dingin a tli i, innka a on cu an sin um nu he an i tong, Germany ralkap hna nih a upa le a nu cu an thah hna nak kong cu a chim! Zaam colh an i tim, Servia cu a zaam manh nain an sin um nu tu cu a zaam manhlo in inn cu Germany Ralkap nih an kah i, a kang dih cikcek ee!
An Inn kangmi cu a langhlat in a zoh hnu ah ramlak ah a tli than, tuah awk thei lo in a tlau i, bawmh hal in a nu a auh tawn ee… Khua a dei i, Tidil mi Ti a ding lioah cun thawng a theih ruangah thingtang ah a thup, mah ka hmun ahcun Rul a va hmuh!
Rul cu a ttih taktak ko nain a ral a tih deuh hna caah a thaw zong chuah ngam lo in a um ko ee! Ralkap hna cu an kal hnu ah Serkie cu an ei mi va dap dingin a kal i, a hmu lo, ni 2 chung bak rawl ei lo in a um.
A thaba tuk cang i, a ril… vanthat ah ram theihmung ei ding a hmuh i, a ei cuahmah lioah a hnulei in bomb a hon puak i, a sikhawh tawkin hmailei a panh cuahmah ve! A thinphan tuk lungin a cang mi hia tak ma si tiin a ruat cang!
Amah zultu um in a theih peng, meithal ka ngei ka tih lo eee ti in a au chih i, hmailei a panh cuahmah ko…! A caknak nih a phak ti lo ruangah mah le mah i theilo in a tlu!
A Mang ah a u le a nu le tin nuam taktak in an um lio ahcun ruahsur nih a thangh ai! Ruahti a ding hnu ah mah theih lo in a um nolh i, mah lioah cun Russia ralkap pa 2 nih an van hmuh!
Russia commander le ralkap hna nih raltuknak kong an chim lio ah Russia ralkap pa 2 nih cun hngakchia pa cu an van tinpi …. ralkap hna nih misual an si lo nak le a lei ah an tangnak bia an chimh hnu ah a min chim in Commander cu a kut a tlaih.
An zaangfah tuk i, mizaw thlopbul nak hmun ah an chiah i, nerse sinah a taksa ah Tatto suai in a upat tikah ralkap lut a duhnak kong cu a chim. Midang ralkap hliam hna zong nih Serkie cu an hmuh tikah thazaang an laak i, an hliam zong a damter ngaingai hna!
Commander nih Serkie biahal vialte lehin a pistol cu a pum ah suai dingin le a upat tikah ralkap lut dingin bia a kam! Nerse nih Commander sinah an battalion sinah um ve dingin a hal nain hngakchia caah tih nung zia le ngaktahchiahnak, zohkhenhnak hmun ah kuat a timh kong a cu a chim.
Ralkap hna nih caan an ngei fatin Serkie cu an leng tawn! An chung le nih ei awk an kuatmi hna cu pek in an ei ter! Nikhat cu ralkap pakhat nih Commander sinah Serkie cu ngaktah chiahnak le zohkhenhnak hmun chiah lo dingin a nawl.
Asinain, Commander nih cun a biakhiak nak cu a let duh lo. A thaizing ahcun Serkie kalnak ding Motor cu a rak phan i, Commander nih cun Thing in sermi Pistol a pek ta! Commander cu a kuh i, a kalnak ding hmun cu a himlonak kong a chim.
Commander nih cun anmah sinah um ve dingin bia khiahnak a tuah than! Ralkap hna nih cun Serkie nih a hruk ding Uniform an tuaktan colh. An i lawmhnak nih cun van a tong ko cang!
Khua a dei i, commander nih cun Uniform cu a hrukter i, nuam takin lengah cun a tli duahmah ko, ralkap pawl nih cun ralkap naute tiin an uah. Culio te ahcun ral nih vanlawng in an kah cuahmah ko hna ee!
Serkie cu hmunhim ah chiah in an ral hna cu an tuk ve hna! Ralkap hliam zong an tam ngaingai ko! Serkie cu a tuahkawhmi tuah a tim i, ralkap hliam hna cu Ti a dinh i, amah buai in a buai taktak khi si.
Ralkap pakhat nih a hliam ruangah a mit an tuam caah cakuat relpiak dingin a fial….., a faknak a duhlo caah amah nih a theih khawh chungin le a thatkhawh chungin a relpiak…., A caw him te in a umnak kong a rel lio ah Ralkap hliampa nih cun Caw a ngeilo nak kong cu a van chim!
Midang nih ralkap hna cu an i nuam tuk hna, midang ralkap cakuat zong pakhat hnu pakhat a rel piak hna, Commander nih a fapa a kawl cuahmah ve, Katie nih a thlim cu a va hmuh. An i duh tuk nain an chim ngam veve lo.
Serkie nih cun Commander sinah a tuah ding mi a hal i, cakuat pawl phawtzamh dingin a chim i, a duty tuah dih dingin a chuak. Ralkap hna zong nih an i nuamhpi tuk. Serkie nih cun durbing in a hlatnak hmun khua a cuan, Capawl an chiahnak hmun ah Kee a hmuh!
A rang khawh chungin ralkap umnak lei ah thawng a va pek hna, an thenkhat nih cun an zumh tuk lo nain an kalpi i, German ralkap cu an tlaih khawh hna ee! Serkie cu an dawt chin lengmang cnang!
Zaan a van phan i, commander nih a cawmkennak ca tlap a hmuhter i, phungning tein Pafa ah an cang! Kahdohnak a chuak i, Serkie cu Meithal kuan a phaw cuahmah hna, thinphan a si zia an chim! A himlo kir than colh dingin an chimh, a kirthan tikah phoneline a tha lo ruangah an lungrawk ngai!
Ralkap pakhat cu siam dingin a chuak i, Serkie nih a zul colh! A ralkap zulmi cu faktukin a hliam mi a hmuh i, zeitindah siam ding a si ti in a hal i, amah nih cun a buh, hngakchia kum 6 (Serkie) nih cun a siam khawh than (an him)!
Tikam ahcun commander nih Katie cu a duhnak kong cu a chimh! Aleh manh hlanah ralkap pakhat cu a ra i, hmundang ah i thial dingin Order an chuah nak kong cu a chim. An kalnak ding hmun panhin an bomb he an choi duahmah ko.
Mah bomb cu a puak i, ralkap tampi zong an nunnak a liam ee! A hmun an phan ahcun ralbawi pa nih commander cu fapa fim tukmi a ngei i a vanthatnak kong cu a chim. Serkie kong cu General nih a theih cun a lau tuk! Fim hi a ti tuk….
A thaizing ah an battalion nih lawmhnak a tuah i, General nih bat a pek lioah an ram a humhim nak ding kong cu a chim i bia a tiam. Voiakhat cu an ral nih an rak tuk than hna i, commander cu a tang, ralkap dang bawmh halin an chanh khawh! Serkie cu a pa hliam kam ah cun a ngaihchia mithmai he a dirko, a pa nih a mitthli tlaklo dingin a ti! An umnak hmun an i thial than, zeidah an tong than te lai!
Mah hngakchia pa ralkap a lutnak kong hi a taktak in German ral le Russia an i tuknak ah a canng mi thil a si! Mah nih a tulio kan ram dohthlennak ah thazaang tampi a kan pek lai ti ruahchannak kan rak in share hna…….
Relchap; ๐๐ค๐ซ๐๐ข๐ง๐ ๐๐๐ซ: ๐๐๐๐ ๐๐ก ๐๐๐ฉ ๐ ๐ข๐ง ๐๐ฎ๐๐ข๐ง๐๐ค ๐ ๐๐ก๐ฎ๐๐ค ๐ค๐ก๐จ. 2023 ah a dih kho te hnga maw? Asiloah 2024 tiang hna a phan te hnga maw? Vaupi nikhua tiang Russia ai chang khho le khawh lo nih a neih te lai. Europe i ram khat nih a dang ram a doh tikah, khuasik thla chungah an sung deuh ngawt tawn hna.
Napoleon, Hitler le Stalin hna zong kha an ralkap pawl khuasik thla tuar in heh tiah an mongh hna. Cu caah Putin nih cun khuasik thla ah cun a ralkap pawl hi khur chungah a dupter rih hna i, vaupi ni a chuah tikah biatak tein kahdohnak kalpi ai tim te kho mi a si.
Kaphnih ningin an i dinh ta cu a hau. Asinain Ukraine hramnaam hi a thadeuh cang caah din lo in hmainawr an i tim. Kreminna le Svatove hrawngah cun Ukraine pawl an cawlcangh a tha ngai i, tutan ral ai thoknak hmun in meng 40 ai hlatnak lei tiang Russia pawl hi dawi khawh an i ruahchan.
Ukraine nih hin cop le cilh in hlawhtlinnak hmu kho a si caah dinh hi a duh ruam lo. South-West belte ah cun Ukraine pawl an thaw an i chuah ta ve a hau. Dnipro tiva tan i Russia nih an hmanmi lam le Crimea lei kalnak tlanglong lam vialte hrawh dingah cun thazaang tamtuk bungh hau a si.
๐๐ฎ๐ฌ๐ฌ๐ข๐ ๐ง๐ข๐ก ๐๐ซ๐ข๐ฆ๐๐ ๐ฅ๐๐ข ๐ค๐๐ฅ๐ง๐๐ค ๐ก๐ฅ๐๐ข ๐ ๐ฌ๐๐ซ ๐ง๐ข๐ง๐ ; Ralkap thar a lakmi 300,000 chungin 50,000 hi ralram an phan cang i, a tangmi 250,000 hi kumvui caah training an kai cuahmah hna.
๐๐ค๐ซ๐๐ข๐ง๐ ๐ง๐ข๐ก ๐ ๐ซ๐๐ฆ ๐ ๐ฅ๐๐ค ๐ญ๐ก๐๐ง ๐ฅ๐๐ข; 2023 chungah hin cun Ukraine nih a ram a lak than dih hrimhrim te lai. A ruang pahnih a um: Pakhat cu mipi le ralkap an thathawhnak, biakhiahnak le ralthatnak hi a si. Western ram nih Russia dictator Putin an ngiar nak hi a sau cang i, tutan in cun zeitluk ttihnung le misual dah a si, ti an i fiang cikcek cang.
โKannih nih a man kan pekmi cu phaisa in a si. Ukraine nih cun an thisen chuah in a man an pek. Ralkap uknak ai hmanmi hruaitu pawl nih an ralkap pawl hmanh laksawng an chuah hna a si ah cun, kannih nih cun tam chinchin in phaisa thazaang kan chuah chinchin ve awk a si. Mah ti lo cun kan vawlei hi kan dihlak caah tih a nung chinchin mi vawlei ah ai cang te ko laiโ tiin NATO general secretary Jens Stoltenberg nih nai te ah a chim.
Ukraine nih lohtheih lo in teinak an hmuh te dingmi a ni le caan cu a ran khawh chung rang in NATO nih hrimnaam (tanks, vanlawng, long-range missiles) kan kuat tik caan khi a si te lai, tiin a chim.
๐๐ค๐ซ๐๐ข๐ง๐ ๐ก๐ ๐ณ๐๐ข๐๐๐ง๐ญ๐ฎ๐ค ๐ก๐ซ๐ข๐๐ฆ๐ง๐๐๐ฆ ๐๐๐ก ๐๐จ๐ฆ๐ก ๐๐ง ๐ฌ๐ข? A ra lai mi thla hnihthum ah khin cun Melitopol hi an i kahdohnak bik hmunhma a si te lai. Melitopol an lak khawh ah cun, Azov Sea lei ah an i thial kho lai. Cu in cun Crimea lei kalnak Russia lam vialte cu an chahpiak hna lai.
Buanco biktu Ukraine, UK le USA nih international security muisam hi a thar tein an ser te lai, ti a fiang. ๐๐ข๐ญ ๐๐จ๐ง๐ ๐ ๐ฌ๐ข. Ukraine hi a raminnpa pawl nih cutluk cun an cohlang theng lai lo, tiin Putin nih a rak i ruah sual diam. Mah hi ai palhmi khuatuaktannak ruangah hin mah hi ral dirhmun zeitik ah a dong te lai, ti hmanh zawndamh awk tha huaha lo tiangin a chiatkhat hi a si.
Russia nih Ukraine meitha peknak sisehzung pawl lawngte kah ai timh cang caah, khuasik tuar a fak te ding a fiang ko. Asinain, Ukraine mipi hi fektein an dir peng ko.
Cabuai cung biaruahti ding cu si khawh dawh a si lo. A si khawh nak dingah cun khat le khat an lung an thumh hma sa i, an duhmi zong an thumh veve hmasa a hau ding khi a si.
๐ ๐ฌ๐ข ๐ค๐ฎ๐ง ๐๐ก ๐ณ๐๐ข ๐ญ๐ข ๐๐ฎ๐ง ๐๐๐ก ๐ก๐ข ๐ซ๐๐ฅ ๐ก๐ข ๐ ๐๐ข๐ก ๐ง๐ข๐ง๐ ๐ ๐ฌ๐ข ๐ง๐ ๐ฅ๐๐ข? Ral nih a chuahpi mi a man (cost) nih lai a rel te ko lai. Minung le hriamnaam, chawva thazaang a dihmi nih Russia bawipa hi a lung a thumhter te ko lai. A biapibikmi cu anmah Russia ram chung i a tlung te dingmi thil hi a si te lai.
A liamcia ral pawl zok tikah, a tuak i palhmi nih hin tamtuk thil a chiatchuah tawn. Bianabia ah US nih Vietnam a tuaktan ai palh, Soviet Union nih Afghanistan a tuaktan ai palh.
Ukraine luhhnawh ruang i ram chungum Russia mipi pawl vava an tum i anmah lila an cawlcanghnak dingah cun Western pawl nih Ukraine hi biatak tein an bomh chinchin a hau rih lai.
Mah hi ral nih hin ramkhel, chawlehnak le ralkap kongah sautuk tiang remhsiam hau dirhmun a chuahter te hna lai. 2023 a donghnak lei tiang a rau kho rih mi a si.
๐๐ฎ๐ฌ๐ฌ๐ข๐ ๐๐ง ๐ฌ๐ฎ๐ง๐ ๐ก๐ฆ๐ข ๐๐๐ก ๐ฅ๐จ ๐ณ๐๐ข ๐๐๐ง๐ ๐ณ๐๐ข๐ก๐ฆ๐๐ง๐ก ๐ ๐ญ๐ก๐๐ข๐ฉ๐๐ซ ๐ณ๐ฎ๐ง ๐ ๐ฎ๐ฆ ๐ฅ๐๐ข ๐ฅ๐จ; Ukraine nih tlar a tlir dingah cu a tu hi cu a tuandeuh ko rih. Asinain, an a tha a thotuk cang i, 2023 ah cun teinak an hmu hrimhrim ko lai.
Busik thla ah cun zeizong te duhsah deuh in an umkal a hau. Khuasik channak hnipuan le thilri thatha cu UK, Canada le Germany nih an kuat hna caah, Ukraine hi Russia ralkap nakin khuasik an lalh kho deuh te lai.
January khin cun Crimea zong hi Ukraine nih a ningpi in a lak than te lai. Ral hi lungthawn le thluak hman thiamnak in tei a si. Ukraine mipi le ralkap an lungthawhnak ka hmuh tikah, Russia a sungh dingmi dah ti lo a dang zeihmanh a phichuak ka hmu lo.
๐๐๐ฆ๐๐๐ข๐ก๐ง๐๐ค ๐๐๐ข๐ก๐ค๐ก๐๐ง๐ญ๐ข๐ง๐๐ค ๐๐ข ๐ญ๐ก๐จ๐ค ๐ค๐ก๐จ ๐ฅ๐๐ข ๐ฆ๐๐ฐ? Russia nih Kherson a chuahtak ruangah, Ukraine mipi an tha a tho chinchin, Kremlin a tha a chia chinchin, Ukraine ralkap pawl caah caantha a si chinchin. A tu le bang cu Crimea tiang kah khawhnak hriamnaam an i ngeih fawn cang.
2023 ah cun Crimea zong a ningpi in Ukraine kut chung a phan cang lai. Cun Russia nih Crimea a lak hlan tein min an rak thut cangmi (2025) tiang Sevastopol i hman ding an ti mi zong an hrawh than khawh mi a si. Azov Sea hrawng i inn le lo ai rawkmi vialte zong sak than an thok chom te lai i, North Crimean Canal zong an awn than te lai.
๐๐๐ก ๐๐๐ง๐ญ๐ฎ๐ค ๐ญ๐ก๐ข๐ฅ ๐๐ฎ ๐ญ๐๐ฆ ๐๐ก๐ข๐ง๐๐ก๐ข๐ง ๐ข๐ง ๐ ๐ญ๐ฅ๐ฎ๐ง๐ ๐ฅ๐๐ข, ๐ญ๐ข๐ข๐ง ๐ฏ๐ฎ๐ง ๐ข ๐ซ๐ฎ๐๐ก๐๐ก๐๐ง ๐ค๐จ; Russia nih ralkap thar a lakmi 300,000 chungin zatceu lawng hi ralram ah an phan. A tangmi vial cu nehhnu ah hman dingin ai chiah hna.
Luhansk le Donetsk hi cu Russia nih ai tonenh ko rih lai, asinain Donbas i hmunhma a khuarmi Ukraine ralkap pawl hi cu a erhkhumh kho ti hna lai lo.
Svatove-Kreminna hmunhma bantukin Ukraine ralkap pawl hi duhsah tein nawr an i tim te lai. Ukraine meitha sehzung pawl hi heh tiah kahpiak ai tim rih lai.
Russia nih Kherson a chuahtak hnu cun hmual a ngei ngaimi Ukraine ralkap pawl zong zalong tein an cawlcang kho cang hna. Melitopol asiloah Berdyansk lei hi an i hmaithlak cang.
Ukraine ralkap lak in zeizat hi dah timhcia in a ummi an si, Gen. Zaluzhnyi nih zeibantuk in dah timhlamhnak a ngeih, ti hi a biapi. A ra lai mi thla hnihthum caah zeibantuk minung le hriamnaam thazaang dah hman ai timh, timi nih hin zeitindah mah hi ral hi a dih te ning a si lai, timi lai a rel lai. By- Chelsea Bawi
Be First to Comment