Benjamin Sum Nih Ṭuanvo Ngeitu Sin ah Birth Certificate Le Aadhar Card A Pek Ṭhan

Benjamin Sum Nih Ṭuanvo Ngeitu Sin ah Birth Certificate Le Aadhar Card A Pek Ṭhan. Benjamin Sum Aadhar Card le Birth Certificate kongkau social media ah chimceih a tam ngai hnu in hlasakthiam Benjamin Sum nih Mizoram chuak mi fianhnak birth certificate a ngeihmi le Aadhar card cu ṭuanvo ngeitu hna sin ah a pek ṭhan cang, tiah theih a si.

Benjamin Sum nih cun Birth Certificate deu a ngeih mi cu Directorate of Economics and Statistics ah a pek ṭhan i, Aadhar card zong ṭuanvo ngeitu hna sin ah a pek ṭhan cang, tiah The Aizawl Post nih a ṭial.

“Thil sining zeihmanh ka rak theithiam lo i atu bantukin thil a cang te lai ti zong ka rak ruat lo, passport ka herh tuk ruang ah thil sining zeihmanh hngal loin hi thil hi ka rak tuah i a poi ka ti tuk pinah mi hmaikhap loin ka ning zong a zak tuk hringran,” tiah Benjamin Sum nih cun The Aizawl Post ah a chim.

“Mi thinlung ka fahternak vialte cung ah ngaihthiamnak ka hal hna, keimah ruang ah khat le khat i alhnialnak a um mi hi ka lung a ṭha hrim lo, Mizoram mipi cung zong ah ngaihthiam ka hal. Mizo he unau kan sinak zong hnursuang hram hlah seh ti ka duh,” tiah a chim chap.

A luancia ni tlawmpal ah khan ralzam dirhmun in Mizoram ah a um mi, Benjamin Sum nih cun Aizawl, DTO ah amah pumpak min in motorcycle registration a hal i, cu hnu cun Social media ah mi tampi nih an soisel hnu ah Aadhar card le Mizoram chuak mi fianhnak ca Birth Certificate deu zong a ngei tiah theih a si. 📸 Benjamin Sum. Crd; The Chin Post