Bishop Dr. CK No Chhum: Laimi Kan Thangcho, Bawipa Min Thangthat Si Ko Seh

CLASSIC MERCEDES BEN (1970, Model) HLAN DING KAN NGEI . Chin (Laimi) kan ṭhangcho. Bawipa min thangṭhat si ko seh. Amen. Israel miphun bang ram kipah kan i ṭhek. Ram ṭha bik USA, Canada, Australia le Europe ram ṭhaṭha kan phan. Ram ṭha panh ruah ah lam canceo le lam laklawh ah a tang rihmi hna phaknak, Malaysia, Thailand le India ram hna hmanh khi kannih ram hngak le khua hngakmi kan umnak Kawlram nakcun an ṭha deuh suamau ko.

Israel cu a pem le vaihnak ram kip zongah thluachuah an dong i, an umnak ram cioah mi rum le mifim tampi an chuak. Thil pakhat te ruah ding a um ngaimi tu cu, an rum le an fim tlak thlak he dawtu, ṭanhtu le tlawnhtu tampi ngeih awk an si ko nain, huatu le remlotu an tam hringhran ve.

Miphun kip nih hin zia kan ngei cio i, Kawl-vai zia, Africa zia, Korea zia, tbk… khin, Israel zong hi an zia le an thinlung put khohcho-khocho ning khi a rem ruam lomi, miphun dang an tam ve ko. German Empire, Adolf Hitler lebang nih cun a huat tuk hna le a rem lo tuk hna ah German ram lawng hlah,

Europe ram kipah a ṭhek i, khua a sami hna cu a tlaihter hna i, Tlanglawng in Vok le Ar phurh in an phurh hna i million (6) remglo a thah hna (an tlan ro le an lungdonh caṭialnak zong zanmui lakah ka rak zoh bal ve i, khua ka ruah ah ka lung a hno i, ka hnarno a ka ṭam ko).

Israel a hua i a thattu, a ṭhawltu hna Hitler nih cun vawlei cung ralpi pa (2) lioah khan, a mi thiam (German Scientist) rual a auh hna i, vawlei pi a tei dih i, a uk khawh nakhnga, “Atom Bomb” siam dingin order a pek hna.

Cu kong cu, German ah a chuak i a ṭhang ve ko nain, American ah a pemmi, “Albert Einstein, the greatest brain of 20th century’s” an timi pa nih a theih tikah, ṭih a nun zia le American nih kalkanh le chawhkanh zawkzawk a herh zia,

1939 kum ah khan American President, Theodore Roosevelt sinah ca a rak kuat. Cuticun US ah Atom Bomb a ran khawh chung in siam dingin Albert Einstein le mi dang Israel Scientist, USA le Europe Scientist hna komh in an ṭuan i, kum (3) chung ah hlawhtling tein an siam khawh.

Hi Atom Bomb an siam lioah hin, bomb an tlak tikah minung, saram le innlo caah ṭih a nunning hi a theih tuk caah, President Roosevelt sinah, kan siammi hi ṭih a nun tuk caah hmang loin (cancel) ah a ṭha ko lai tiah ca an kuat.

Asinain, ruah lo piin, US President Roosevelt cu a thih caah an ca kuat cu a rel manh lo. An siam lio zongah hin, Bawipa, fialchih kan si caah kan siam hi ka theihpiak law, kan ngaithiam ko tiah thla an cam peng ko ti a si.

President Roosevelt thih hnu in President William Howard Taft hruainak in hi Atom Bomb hi cu thlak lo ah a ṭha ko lai ti le thlak ah a ṭha ko ti cu saupi an i ceih. Japan zong cu kan Bomb siammi hi ṭih a nung tuk hih na zia ṭhin cang ko tiah thawng an hei thanh.

Asinain cu thawng an theih bak cun “Hro le cernak men ah nichuahlei Cakei hi a zam lai lo. Vawlei pumpi a tei i a uk dih hlan ah cun aa din lai lo” tiah Radio in an thanh. Thlak ruangah Japan nih a tuar dingmi le thlak lo ruangah Nazi (နာဇီ) Germany le facis (ဖက်စစ်) Japan ruangah vawleipi nih a tuar dingmi cu a khing le a cuai an tlai hnuah tlak si ko seh tiah biakhiannak an tuah.

Cucaah Atom Bomb – (1) Pakhatnak cu “Little Boy/ pate cak” tiah min an sakmi, a sau pe 9̍.11̎, a sum, pe 2̍.5̎ le a rih ning kg – 400 a si i, a voikhatnak ah 1945, August, zingka 8:15AM ah cun Hiroshima khuapi ah cun an thlak. Asinain, Japan cu a lung a khong in a zia a ṭhinh hlei lo.

(2) Cucaah Bomb pahnihnak cu, “Fatman/ pathua” tiah min an sak i, a sau, pe – 11̍.6̎, a sum, pe – 5̍ le, a rih ning kg – 450 a simi cu, A voihnihnak ah 1945, August 9, suimilam pa (1) ah tlangcung khuapi Nagasaki ah an thlak ṭhan.

An Bomb ṭih a nun zia le a hmual a fah zia cu, a tlaknak hmun ah a rawk le a thimi cu chim lo, Bomb puakmi power nih cun thlichia a hranter, a linh tuk le a alh tuk ah van sangpi ah khin cawr a chawng, a rimrua le a thli phaknak kipah mi an thi. A cheu cu a vun a durh, a cheu cu a vun a var dih, a cheu cu an nak dih, a cheu an mit a caw, a cheu cu an hnar le an hnakaw in thi a chuak i, umhmun ah an tlu in an thi. Bomb thlak kum lawng si loin, kum saupi tiang Japan ram nih chiatnak a rak tuar.

Ka chim duhmi cu vawleicung ralpi pa (2)nak lio i teinak zong kha, Israel, Pathian thimmi hna fimnak, thiamnak le cawngcanghnak tampi aa tel ti a si. Bawipa Pathian nih, “Abraham sinah thluachuah an petu cu thluachuah ka pek ve hna lai i, chiat an serttu cu chiat ka serh hna lai” (Gen. 12:3) a timi le Psalms hla ṭialtu nih, “Bawipa cu a Pathian ah aa ngeihmi miphun cu mithluachuak an si” (Ps. 33:12) kha a dik le ahmaan zia ka van langhter duh.

Kannih Chin (laimi) zong hi Bawipa Pathian cu a Pathian ah aa ngeihmi le thluachuahtu thluachuah hmuhnak le chiatserttu chiatserh sinak Biakam thar Pathian thimmi (Biakam thar thlarau lei Israel) kan si.
Ramdang lawng hlah, Yangon zongah Chinmi kan ṭhangcho. Mr. Maipaw hruainak in Golden Eagle Film Production (ရွှေလင်းယုန်ရုပ်ရှင်ထုတ်လုပ်ရေး) hna kan ngei cang hna.

Khah, kan biahram ah kir hna usih: – Kan Laimi chungin Video le Baisikup a zeih dingmi hna caah siseh, Ram ṭha ah a um kan Chin (Lai) mi hna, Yangon nan rak tlawn tik caah: –

“Classic Motor, German Mercedes Ben, model (1970) hlan ding GFA ah kan ngei. Tulio ah cun nikhat hlan man Ks. Tingnga (Ks. 500,000) lawng a si lai. Hmailei ah cun ………….??? By; Dr. CK No Chhum, Khuate fa