Breaking News: Atuhi SAC Ralkap Vanlawng Nih Hakha Le Thantlang Peng A Hel Cuahmah, Kan Ralkap Hna Caah Thlacamnak Piak Hna Usih

Raltuknak Vanlawng Hakha in atu bak Thantlang le Falam ramri lei ah a lan, Kan ralkap le kan Camp himnak dingah thlacam cio usih. Rak #Share. Credit: Salai William Hlawnceu

Mi ngiatu vanlawng ATR42 MPA nih a kan heel cuahmah. A kan ngiathlai. Mah bantuk kha cu mi kah a hmang lo. Nain, a hnu ni thum li chung cu i ralrin taktak a herh. Heavy Air Strike a tuah khawh. #Vanral. Credit: Lengkawite

Chinland ⚠️ ATR 42 MPA nih Chinland Hakha le Thantlang peng a heel cuahmah lio a si. Hi vanlawng a rat khawh in Heavy Mission a um khawh ca ah mizapi ralrin a herh ngaingai. Credit; The Chin Post

Relchap; CNF/CNA hmunpi Camp Victoria i ralhrang vanlawng bomb thlak kongah; A voikhatnak hi Jan 10, 2023 zanlei suimilam 4:30PM ah asi i, voi 9 a thlak. Voi 2 cu India ram chungah a tla. Vanlawng a hmanmi hi MiG – 29 pahnih le Yak – 130 pathum an si. Kan ralkap minung 5 nih nunnak an pek.

A voihnihnak hi Jan 11, 2023 zanlei suimilam 4:30PM ah asi i, voi 4 a thlak. Vanlawng a hmanmi hi Yak – 130 pathum an rak kai i pahnih nih an thlak, pakhat cu kanmah lei nih an kah ve caah thlak loin a kir. Kan minung nunnak a him.

Voihnih a thlak chungah hliamhma a pumi an um lo. Inn tlawmte a rawk. Khua kiangkap nih damlo caan i an rak ithlopnak siikhan le sii chiahnak (medical facility) a rawk.

Minung 5 nunnak a liammi hi, bunker/bomb shelter (vawlei khur cawhmi) nih a cimh hnawh hna caah chanchuah manhlo an si. Nunnak a pemi hna kan Miphun ningin upatnak kan pek hna.

❗️Hmanthlak le a rawkralmi langhterlo ding kan timi hi a ruang a um. 2022 November 8 ahkhan Camp Victoria map le hmunhma umtuning, kah ding target he timhtuahnak an ngeihmi cu lengah a rak chuak (a leak). An rak theih ciami asi ko. Asina bel in, tutan i aa kah i a rawkmi le an target pawl a khen le khenlo an theih ahcun, ahnu ah target hmunhma pawl timhtuahnak a ngeih than lai ti phan ruangah asi.

A kah nain a nganhmi hna a um caah asi. Langhter a herhmi cu official tein party leiin vun langhter asi ko. Sihmanh sehlaw, control dih khawh asilo caah tlawmpal cu a chuak thiamthiam. Hmurka le kutdong isumte in a zamh lomi nan dihlak cungah lawmh a um. Hihnu zong iralring cio ko hna usih. Kanmah lila nih phozarlo ding hi izuam cio ko hna usih.

Kan inn le kan lo rawk hmanh sehlaw, kan thinlung rawk hin hlah seh. Kan nunnak liam hmanh sehlaw, a nungdammi nih faak chinchin in izuam ko hna usih. Mupi nih thlichia lak i thazaang aa lak bantukin, kan thawn chinchinnak tu si hram ko seh. Credit: Ram Tinthei