Breaking News : Bungkhua Mi Pu Sang Lian Cu Tio Tiva Ah Meithal Kah A Tong E

#BreakingNews : Bungkhua mi Pu Sang Lian cu Tio ah Meithal Kah a Tong. Nihin April 1 zaanlei ah Bungkhua mi fa pakhat ngei Pu Sang Lian cu Tio ah meithal in kah a ton caah a nunnak a liam, tiah thawng kan theih.

Meithal in a kaptu hi CDF nih an tlaihmi Kawl ralhrang a si lai tiah an zumh. Lungler ah thong an thlakmi Kawl ralhrang hi a zaam i amah nih Pu Sang Lian meithal hi a chuh hnu ah a kahmi a si kho, tiah an ruah.

Pu Sang Lian ruak cu Bungkhua lei ah a tlunpi i khua an phakpi le phakpi rih lo bel fiang in kan thei rih lo.

Atu hi Fungkah ah cun tlang an au i pa a si paohpaoh meithal he chuah i Kawl ralhrang pa kawl an i tim hna. #TNA – Thawngdik theih awk ah mah TNA Page hi Like & Follow tuah ve. Credit: TNA

CBCUSA le Chinland Club Cuaithlainak (2) CNA le CDFs cu Mitsurruang le a ṭenge bantuk ansi. Aruangpi lawngin Mitsur an tlai khawh lo I an tlai bal ve lo. Mitsur ṭenge loin a um mi Mitsur cu an tlai ve lo.

CNA bawmh cu CDFs bawmh asi I CDFs bawmh cu CNA bawmh asi ko. CNA hi thawngṭha sehlaw, CDFs cu CNA kutke lawng bakin um ding asi. CNA a thazang cu CC siloin Ramthumnak ah aummi CHINMI kan si bantukin CDF thazang CBCUSA siloin Ramdang ah a um mi CHINMI thotho kan si.

Bawmhchan tu cu CC le CBCUSA tiah buu dang bantukin I then ko hna hmansehlaw, Ramdang um Chin mipi sinin phaisa kholh thotho kha asi ko. A Bambawk le a mantak khi asi ko. CBCUSA le CC nih kanmah hi CNA le Chinram dawtu bik kan si tiah a bikbik kha an I cuh awk asilo. An pahnih in Chinland le Chin Miphun dawtu veve an si ko.

Anmah CC le CBCUSA nakin Chinland le Chin Miphun dawtu bik cu an sinah Phaisa thawh tu Ramdang um chinmi kan si. CBCUSA le CC cu mi kah cia mi Salu a tar cio lawng khi kan si ko hen cu. Zeidah vaa uah len cu a herh nak aum lo. Dr. Rollin Vanbik le CBCUSA upa telin CC upa hi CHIN Fidi nan si lo.

CBCUSA cu Chin Mipi nih an zumh hna caah Phaisa kholh an I har lo nain Phaisa tawmpi he rianṭuan an thiam lo I an Pahrang asilomi an i ti sual bia khi asi. An fir lo nain an dikfel mi cu ansi ruam ve lo I Chinram le CHIN Miphun damnak tiang an kan hruai khawhtu ding Upa cu an si lo hrimhrim ti hi asi.

Chinland Club cu an dikfel I rianṭuan an thiam ko nain CHIN Mipi nih CBCUSA tlukin an zumh hna lo caah an sih ah Phaisa thawh an duh lo. USD 12 million cu chimh lo, thlakhat ah USD 100 in thawh mi koko hmanh ah Chinmi vialte I teltum ding in a kuri khawh lomi CC an si ve.

CC le CBCUSA cu I soisel awk a um lo I aa ti ding kan silo. Bambawk le Mantak kan si ko. CBCUSA sinah thawh mi kha CC ah thawh hna she tiah kan duh ahcun Dr. Rollin te Soisel tu le amah bantukin Chinmi nih an remh lomi CC upa hna I phuah hmasat a herh bak mi asi.

CC ah Chin Mipi nih Dollar tampi an thawh cang nak lai a kuri khawhtu Upa hruaitu hna nih Chinland Club cu an kan hruai cang a herh ve ko. CBCUSA Upa lawng mualpho in CC upa hna mualpho lo bantuk I hmuh hi a ṭha lo.

CC nih CNA ah CDF I fonh dih hna seh tiah Order phun in nan ti ahcun kan tlau afak tuk cang tinak asi.
Achan cu Chinmi cu Nation building in kan tla I Ethnic ah tangta loin Tribalism khur thukpi ah a tla mi kan si.

Kan kokek sining hrim ah hi hi asi cang mi kan si caah, Chin Nation building kan hlawhtlin hlan lo cu CNF ah CDFs hi kan fonh khawh hna lailo. CDFs an si buin CNA kuri nak le CNA command tangah an um hi a biapi deuh mi asi.

CNA policy le Mumal Code Of Conduct kha I hrawm hna sehlaw, CDFs kip cu CNA brigade tu in um hna seh.
Oneness in cun kan fonh khawh hna lai lo nain Trinity le Twins muisam tuin kan fonh khawh hna lai. Cucu tulio an si ning zong asi.

Skeva fapa 7 nih Paul Le Sailas nawlcawng in khuachia an thawlh caah khuachia nih thih deng in a seh hna. Dr. Rollin Van Bik te nih CBCUSA upa hlun nawl an i cawng sual hi kan santlaihlonak le kan dikfel lonak nih sahrang bangin an kan seh ve cang.

Mah nih thiam tung lo in kan pahrang asilomi rian i tlaih in mi nawlcawng cu Satan sehnak asi cu.
Nominate Committee nih Dr. Thla Awr Bawihrin, Rev. Zammang Mualcin le Dr. Thawngling Mualhlun cu an ke khiak hnu ah nan chuih ter hna caah CBCUSA nih tu bantukin mualpho hi asi. By- JRT