Press "Enter" to skip to content

Breaking News! Chin Ramkulh, Falam Peng Um SAC Ralhrang Sakhaan Ah Meithal Thawng Le Hriamngan Thawng A Thang Taktak Cang

Chin ramkulh, Falam peng Rihkhuadar block 1, SAC ralkap sakhan ah nihin May 23 chunhnu suimilam 2:30 hrawng in meithal thawng le hriamngan puah thawng theih a si tiah khuami nih an chim.

March 29 ah Rihkhuadar ramri gate CNDF nih umhmun an khuarnak cu SAC ralkap nih an rak lak hnu in a tu hi, meithal puahthawng le hriamngan puahthawng kan theih a voikhatnak a si tiah an chim.

Rihkhuadar Block 1 sang ummi pakhat nih cun ” meithal puahthawng cu kaphnih i kahnak bantuk in thawng theih a si, hriamngan puahthawng voili hrawng kan theih, mipi lei hliamhma tuar tibantuk cu a umlo” tiah a chim. Credit: The Chin Post

Thawngdang Relchap>>>>>><<<<<< Nihin ah CDF le CNA i bom in raltuknak a chuak tthan. Kawl ralhrang nih CDF/CNA control area an tinak Siangin sang tiang an van fuh hna. U caah raltuknak a chuak. Ralhrang lei a thi le hliam a tuarmi thei a si lo. Sihmanhsehlaw Ralhrang nih siangin sang tam lak an khangh tthan tiah thei a si.

CDF lei in minung pahnih nih hliam an tuar. Mipi nih, “ziah hme siangin sang cu kan control cang an ti, inn cu an khangh tthan ne” tiah an phun zai. Hihi phun zai ding a si lo. Inn khangh cu ral sungh ruang ah a si lo. Ralhrang 10 chung ah 6 an thih ah cun teinak lianpi a si.

Cun CDF nih hnu an pil i Ralhrang nih siangin an control khawh tthan a si ah cun CDF an sung tinak a si ve. Hi pahnih sunghnak ah thawng fiang thei khawh a si rih lo.

Update thar kan rak tuah tthan lai. Dr. Ngun Cung Lian nih keimah um hlah ning law Victoria Camp khi an lak cang lai a timi hi zumh thlu awk a ttha lo. Zumh lo thlu awk zong a ttha lo. Cu kong cu ka van ttial chap te lai. Credit: Global Village News

CDF Lila Nih A Thli Te In “Dalan” An Tuan. Mirang nih “Emotion” an ti. A sullam cu, cikhat lungthawh thil tuah tinak a si. Ralhrang nih Feb, 1, 2021 ah uknak hranghrang in an lak hnu in Mipi nih lam an zawh. Ralhrang nih Mipi an kah hna. An thah. Ngai a rak chia hringhrang. Kei zong cikhat te cu ka rak kal deng ve. Nain khua fak deuh ka ruat. Ka sining he a pehtlai lomi a si caah a lamdang tu in ka cawlcangh lai ka ti i, ka cawlcang taktak.

Caan a van rau i, emotion in CDF a lutmi cu an um kho ti lo. Style ah Uniform in hman an i tlak, an i post, an langsar. An um kho taktak lo tik ah CDF chuak in a kenkip lo ah kal an i tim. Cu tik ah Ralkap nih an tleih hna. Hmailei zong ah hi ban tuk hi a um tthan te ko lai.

Lungthawh in CDF a lutmi cu an mah pumpak ca lawng si lo in, an tuan hawi CDF an tha an chiat ter hna. CDF in an chuah tik ah CDF a ummi an ttha chia. An lung a der. Taktak le ngaingai ah cun hi pawl hi dawkaw, a thlite in “Dalan” a tuanmi cu nan si cu. A poi taktak si. Tulio ah Delhi CDF ka tuan aa timi an khat.

CDF chuak in Yangon lei a fuhpanhmi CDF tam tuk an tleih cang fawn hna. Hihi khuaruah za cang. CDF hi thih ngamh in na luh a si ah cun CNA ah i fon uh law, phunlam thar te in suai uh law, cu ti cun one command $ order in kar kan hlan ah cun kan ral hi kan tei lo hmanh ah kan nunnak ter a him deuh lai. Note: Thaizing ah Thantlang khuapi hi Ralhrang nih an khang lo. Thantlang mipi nih an khanghmi si. Ka van ttial lai thaizing ah. Stay tuned!

Be First to Comment

Leave a Reply

Your email address will not be published.