Press "Enter" to skip to content

Breaking News! Chinram Ah Mipi Vengtu Ralkap Le SAC Ralkap Kar Kahdohnak Fak A Chuak Than

Breaking: Mindat-Matupi lam cungah CDF-Mindat le SAC karlak ah kahdohnak a fak. 2022 March 28 – Tuzing sml 10:00am luan hrawng in Mindat-Matupi lam cungah hriamngan/ hme thawng pehzulh in a thang. CDF-Mindat le Matupi karlak ah kahdohnak a fak tiah The Mindat Post nih a chim. The Chinland Post

Relchap; Democracy ngahkhawhnak ding caah tiin kahdohnak chungah a lutmi CDM pawl hna upat peknak caah Myanmar Worker Welfare Center(Korea) nih Korea phaisa won sing 30 an hlut tiah theih a si. Myanmar Worker Welfare Center (Korea) chungtel hna i fonh in CDM cawlcanghnak tuahmi cozah riantuantu hna caah bawmhnak pekmi a si tiah NUG cozah in Korea he aa pehtlaimi Myanmar Representative Office nih nihin March 28 ah cathanh an chuah.

Hi bawmhnak pekmi phaisa cu NUG cozah i N. Korean he aa pehtlaimi Myanmar Representative Office nih cohlannak a ngeih i NUG cozah (အလုပ်သမားဝန်ကြီးဌာန) sin ah phaisa an ap lai tiah theih a si. Credit; The Chin Post

Ukraine President Zalensky nih cun Russia nih Ukraine ramchung fuel chiahnak le ralhriam chiahnak hmun pawl biatak in a kah caah hi ral runvennak ding ah hin tank, vanlawng le missile hna an herh kong a chim i, ramdang bawmhnak a hal. Kan hnu March 26 zarhte zaan ah Zelensky nih TV hmai i biachimnak a ngeih lio ah hi kong hi a chim i, nitlaklei ram hna nih an ngeih mi ralthuam, an chiah sawhsawh mi pawl cu a hal hna.

“NATO nih vanlawng a ngeih mi 1% (100 tuak ah 1) cu Ukraine nih a herh,” tiah Zelensky nih cun a chim. Ukraine ah Russia ral a thawh hnu in nitlaklei ram hna nih cun missile le tank kahnak ralhriam pawl cu an pek cang ko nain ralhriam ngan le Vanlawng tiang cun an pe rih lo i pektimhnak zong a um rih lo.

President Zelensky nih cun nitlaklei ram hruaitu hna nih Russia ral an ṭih ruangah hriamnam ngan an pek ngam lo kong zong a chim. Nizan tihni ah khan Ukraine hriam chiahnak lengah fuel le eiding an khon cia pawl cu Russia nih missile in a kah caah hmundang ah i ṭhialkam hau dirhmun an phan. Russia denfence ministry zong nih Lviv khuapi i fuel chiahnak le Ralhriam sernak cu an kah kong an thanh ve.

Thawngdang relchap; Hramhram nawlngeihnak la tu SAC nih an tlaihmi rampi ruahnak petu Daw Aung San Suh Kyi cu quarantine ah chiah a si tiah sihni hna nih a chim. Daw Aung San Suh Kyi cu Quarentine chiah a si caah , nihin March 28 Naypyidaw Zanbo Thiri (ဇဗ္ဗူသီရိ) peng biaceihzung zong ah,

A kal kholo Amah Daw Suh cu a damko nain a mah he umti mi cheukhat hna sin in Covid zawtnak an hmuh caah, um kalnak zong rikhiahpiak an si tiah sih-ni hna nihcun an chim. March 24 zong kha biaceihzung chuah ding ah bia khiah a rak si cang nain quarantine a um caah an rak cencel hoi cang. TCP

Be First to Comment

Leave a Reply

Your email address will not be published.