Press "Enter" to skip to content

BREAKING NEWS! Hakha Khuachung Ah Ralhrang Nih Pa Pakhat Meithal In An Kah Sycle A Cit Lio Ah A Lang In An Kah

Hakha khuachung siizung lampial ah ralhrang phu nih mi checknak an tuah, cycle he a kal mi hna cu dirter in phone an check hna, cycle toolbox zong an on ter hna.

Ralhrang nih checkhlat an tuahnak hmunhma pawng um mi pakhat nih cun, “Zanlei suimilam 2:40 hrawng ah cycle in a kal mi pa pakhat cu ralhrang nih a lang in an kah i a ban ah kuan hliamhma a tuar, a thi zong tam ngai a chuak! zeiruangah an kah zong kan thei lo,” tiah mit hmutu pakhat nih The Chin Post ah a chim.

Thawngpang dang. Kayin ramkulh, Hlaingbway khua ah ralhrang nih uknak an laak kumkhat a tlin ni camtuak ah ralhrang cohlannak an tuah i, cu i an hruaitu minung 7 cu min hngalh lo hriamtlai phu nih an tlaih hna, tiah khua mi sin in theih a si.

Tlaih a tong mi hna hi atu tiang khoika ah an chiah hna theih a si rih lo. Hlaingbway khua mi pakhat nihcun, “Ralhrang cohlannak puai cu anmah pa sarih nih an hruai hna. Ralhrang cohlannak puai ah cun khua mi hohmanh kan kal lo.

“An tlaih hna hmanh hi a nem tuk rih, ralhrang thapetu le leirawitu an si i, fimtawl ding hrimhrim an si,” tiah a chim. Atu an tlaih mi hna hi a thlithup in National Identity Card a tuahtu le ralhrang/palek sin ah thawngpetu an si hna, tiah Hlaingbway khua um mi khua mi hna zong nih an chim.

KAHDOHNAK THAWNG: Kalay Thlanglei Ah Mizapi Ralkap Hna le Ralhrang Kar Kahdohnak A Chuak; Kalay thlanglei ah a um mi, Kyinthar(ကြံသာ) khua ah umhum a khuar mi ralhrang phu le Pyo-Saw-Tti pawl cu CDF-Kalay, Kabaw, Gangaw(CDF-KKG), CDF-Hakha, PDF-Kalay brigade 4, 7, Ranger Kalay Defense Force(RKDF) phu hna aa bawm mi nih nihin February 3, zingka suimilam 6:30 thawk in an kah hna, tiah theih a si.

 

Kahdohnak a chuah lio ah Gangaw peng chaklei, Hantharwadi khua ah umhmun a khuar mi ralhrang nih hriamngan in an rak bawmh hna. Zingka suimilam 8:00 tiang hrawng an i kap, tiah theih a si.ka pic a dang ka tar mi si.CRD the chibn post

Be First to Comment

Leave a Reply

Your email address will not be published.