Press "Enter" to skip to content

Breaking News : Ralkap thilri Phur Mi Vanlong A Tla I A Chung Um Mi A Luat Mi An Um Loh

Russia ram nichuah nak lei ah ralkap thilri phurhnak vanlong pi cu a tla i a chung i a thu mi minung pa (6) an thi, tiah Russian Ministry of Emergency Relief nih a nemh hnget. September 22 ah Kamkhatka tipikam ah ralkap thilri phur tawntu vanlong Antonov An-26 cu a tla i Russian Ministry of Emergency Relief pawl a hmunah va phan colh in chanhchuah nak ding caah rian an va tuan an va zuan hnawh colh hna nain, minung pa(6) cu an chanhchuah kho hna loh i an nunnak a liam tiah September 23 ah an chim.

Russia thaangpang hrambunhnak TASS nih a langhter ning ah cun vanlong Antonov An-16 hi ralkap thilri phur in an ram Airport in a chuak i ni chuah nak lei tipi kam a phanh bak ah khin a tla tiah a tial.

Vanlong zong a tla nak ah cun ai rawk dih cikcek i a chung i a thu mi vialte minung 6 zong an nun nak ah a ngaihnak um lo dirhmun ah an um, tiah Media pawl nih cun an chim.

Kan hnung thla zong ah Russia vanlong cu a tla i president Putin i a hnu zul tawn tu ralbawi pakhat a nunnak a liam cang. Cun July thla zongah khan hi bantuk vanlong phun Antonov An-26 pakhat cu a rak tla bal ti a si. An rak tlaknak hmunhma zong hi a tu vanchiat nak an ton nak hmun thotho ah a si tiah thawng kan theih.

Be First to Comment

Leave a Reply

Your email address will not be published. Required fields are marked *