Press "Enter" to skip to content

Breaking News: Thantlang Inn A Kaang Cuahmah Ṭhan Ee!

Breaking News: Thantlang A Kaang Ṭhan! Nihin January 31 ah Thantlang, Holynet sang a kaang ṭhan. Mit in a hmutu pakhat nih cun, “Nizaan zong ah a kaang cang, nihin zanlei in khangh chap mi a si.

Inn aa peh pah i a kaang thluahmah ko lai, tiah ka zumh, atu tiang inn 40 hrawng cu kaang cang men lai, fiang tein cun kan hngal kho lo,” tiah The Chin Post ah a chim. Credit; The Chin Post

THAWNGPANG DANG: Ralhrang phu chungtel pakhat cu a hriamtling he Yesagyo (ရေစကြို)-PDF sin ah a lut: Yesagyo (ရေစကြို) peng 258 battalion in ralhrang phu chungtel pakhat cu MA-2 pakhat, kuanbawm 5, kuan 135 he ralhrang uk duh lo cawlcanghnak CDM tuah in, Yesagyo (ရေစကြို) peng mizapi vengtu phu sin ah aa fonh, tiah nihin January 31 ah Yesagyo(ရေစကြို)-PDF nih cathanh an chuah.

Ralhrang uk duhlo in CDM cawlcanghnak ah tel a duhmi hna, mipi sinah tanlak in i dor a duhmi hna cu Yesagyo (ရေစကြို) peng mizapi vengtu ralkap phu hna nih lunglawm tein kan in don ko hna, a himnak hmunhma ah kalter nan si lai, tiah an cathanh chung ah cun an langhter. Cun CDM ralkap cheukhat hna zong a himnak hmunhma ah kalter an si cang, tiah People Defense Force Yesagyo (ရေစကြို) nih cathanh an chuah.

Chin ramkulh Falam khuachung ah a luancia January 25, zaan ah ralhrang phu hna nih an umnak inn cio ah luhhnawh in tlaihkhih a tong mi CDM tuah cozah riantuantu minung 7 hna chung in 6 cu thalh than an si nain, pakhat cu thlah a si rih lo, tiah theih a si.

‘Thilthalo a tuahtu phu hna he pehtlaihnak nan ngei’ ti in tlaihkhih a tong mi CDM tuah minung 7 hna cu a luancia January 28 ah minung 3, January 29 ah minung 3 ti in thlah than an si, nain minung pakhat cu hren a si rih ko tiah theih a si.

“Tlaihkhih a tong mi hna chung in minung 6 cu an thlah than cang hna, tlaihkhih a tong mi hna hi CDM cozah riantuantu hna an si i fimcawnnak lei, ngandamnak lei riantuantu le Department of Communications and Irrigation riantuantu hna an si.

Tlaihkhih an ton hnu ah Falam khuachung palik sakhan ah checkhlatnak an tuah hna,” tiah tlaihkhih a tong mi hna he naihniam in ummi pakhat nih a chim. Nawlngeihnak laak hnu February 1 in Falam khuachung cozah riantuan CDM tuahtu hi minung 800 leng an si i, Chin Natioinal Organisation(CNO) he pehtlaihnak a tuahtu CDM ralkap le palik 30 leng an um tiah theih a si. Mizzima

Be First to Comment

Leave a Reply

Your email address will not be published.