Press "Enter" to skip to content

BreakingNews: Khah Hakha Ah Tu zaan sml. 9:00 hrawng ah Bomb A Puak Than Tiah Theih A Si,A poi Ngai Ko

#BreakingNews: Hakha ah Bomb a Puak
———
Tu zaan sml. 9:00 hrawng ah Hakha ah bomb fak ngaiin a puak.

Dawrhlun lei in bomb puah thawng a thanmi mi tampi nih an theih.

Asinain, Dawrhlun sang mi kan hal hna i, “Bomb puah thawng a thang ngai. Kan theih dih ko. Asinain, khoika zawn in a puah timi belte kan fiang lo,” tiah an chim.

The Chin Journal
May 11, Hakha

——————————–

#BreakingNews: Tiphul Khuami Pafa Motor Pahnak in an Nunnak a Liam
———
Nihin zaanlei sml. 6:00 in 7:00 karlak ah Tiphul khuami Pu Peng Thang le a fapa Thawng Cung Lian (kum 11) cu Tiphul le Rinpi karlak ah motor nih a pah hna i an nunnak a liam, tiah thawng kan theih.
Motor pahnak in an nunnak a liammi Pu Peng Thang le a fapa ruak cu Rinpi in Hakha lei ah a rak rami khualtlawng pawl nih lampi ah an hmuh hna.
Motor nih hin a zaamtak hna caah a pahtu ahote an si timi an thei rih hna lo.
Asinain, a pahtu motor hi thing a phormi SKET motor a si, tiah micheukhat nih The Chin Journal ah an chim. (Updated)

The Chin Journal
May 11, Hakha

Hakha SAC Palik nih an Tlaihmi Pu Tler Ling a Nunnak a Liam
———–
May 9 ah Hakha, Nawi ah SAC palik nih an tlaihmi Pu Tler Ling (kum 56) cu nihin ah a nunnak a liam, tiah chungkhar sin in thawng kan theih.
Pu Tler Ling hi nihin zinglei ah ralkap motor in Kalaymyo lei ah thlopbul ding in an kalpi i lampi ah a nunnak a liam hi a si.
Pu Tler Ling innpa pakhat nih, “Nihin ah Kalaymyo sizung lei ah an kalpi i, lampi ah a nunnak a liam. An hrem tuknak ah a thihmi a si kho men,” tiah The Chin Journal ah a chim.
May 9 ah Nawi ah minung 5 an tlaih hna i, Pu Tler Ling le a hawile pahnih hi Ngauthutlang ah an tlaih ve hna.
Pu Tler Ling hi Hniarlawn khuami a si i Hakha khua, Cherry lamsang, Mission Church biakinn pawng ah a ummi a si. Hakha lei ah ralkap nih a ruak an rak kirpi lio a si.
Kalaymyo lei ah Pu Tler Ling a kalpitu ralkap pawl nih Hakha kan phak tik ah kan in chawnh te hna lai tiah chungkhar an rak chawnh hna, tiah kan theih.

#tu bantuk thawng pang thei hi a nuam lo ngaingai mi a si ho poah ralrin tein le fim hrin te tu in um khawh cio i zuam hram ko hna u sih…

Be First to Comment

Leave a Reply

Your email address will not be published. Required fields are marked *