Cakei Rung Lian Ceu Lai Pa Pawl Sin Ah Bia A Cah Hna “A Pai Ding Mi Nan Thin Rak Phang Hlah Uh. A Ra Lai Ding Mi CND Ah Cun Ka Pai Thiam Lai Lo. Tlai Deuh ah Pai Te Lai..

Tukum CND cu ram dang lei cu tlamtling tein an tuah lai caah,kan lai pathawng pawl pai zoh lai rak i ngaih tuk asi,A hlei in Champion hlun Rung Lian Ceu zong ka pai ve la ti kha a rak si caah a hlei in mipi nih zoh lai rak i ngaih asi,nai zong ah a gym kalnak a pumsan pawl van cawngngian in CDN ah ka pai lai ti kong a chim pah len,cu tik ah chekhat mithanwg CDN a pai ding cu an thin rak phang ziar hna.

Sihmanhsehlaw Cakei Rung Lian Ceu hi,full time bak in rian a tuan mi asi tik ah,a nih hih a duh poh in off days lak khawh a si lo caah,i paih cu pawcawm nak tlak ngai a si fawn lo tik ah,i paih schedule pawl cu voi tampi a leet tak tawn i a rian ah caan a pe deuh tawn,tu kum CND cu ka pai lai ti ah a rak chim ko nain,a rian ruangah tukum CND zong a pai kho than lai lo.

A si ahcun Cakei Rung Lian Ceu nih hin Championship hi a la than kho ti la maw? Mipi nih mah hi kong thei hi kan duh taktak mi a si,Cakei Rung Lian Ceu hi punghman in Gym a kal peng i a thazaang cu a zor in a der lai zumh a um lo,nain kum upa deuh ve cang i tu hi kum 28 hrawng a si cang,a mah zong nih a page ah capo pah in kan tar hnu ahcun khua sih dan zong a rak i dan kan tlangval ka kan nonal lio he khan a khat ti lo tiah a tar deuhnak kong cu an hun tial ve.

Cu ti a Si ahcun champion a si lio mi Biak Hmun Sang hi teh zeitluk pathawng dah a si i zei tluk in dah a thawng chin lai le a der lai kan zoh lai,championship a ngah lio ah kum 24 te lawng a si ii,RLC kha 27 asi,RLC cu a thawng saling bak asi kan ti khawh,minung hi kan thawng saling hi 25-27 hi asi ti asi,RlC a thawng saling lio bak i a tei tu Champion Biak Hmun Sang hi mi thawng tuk a rak si.

Champion Biak Hmun Sang cu a ra lai mi kum Hnih kum Thum hi a thawng saling caan a si lai i,Rung Lian Ceu cu der thawm lei a panh cang lai,a kum upat lai caah,cu tik ahcun RLC nih championship hi zei tik hmanh ah a ngah than la ti hi zumh a um ti loh.zei caah ti ah a thawn lio ah i pai lo in a tar deuh hnu ahcun mi thawng cio mino cu a tei kho ti hna lai lo,a championship hi a chan chung in a sung ko la hi Biak hmun sang sin ah.