CBC USA Upa Hna le Mizoram CM Biaruahnak an Ngei

CBC USA Upa Hna le Mizoram CM Biaruahnak an Ngei
——-
Chinmi ralzam kong ah zawnruahnak lungthin tak he bawmhnak a kan petu le a kan dirkamhtu Mizoram Chief Minister Pu Zoramthanga le CBC USA Chin Advocacy Committee chungtel upa pawl online in biaruahnak nihin ah an ngei hna.
Chin Advocacy Group upate nih Pu Zoramthanga sin ah lunglawmhnak bia an chim i bawmhnak zong an hal, tiah biaruahnak ah aa telmi upa Pu Zo Tum Hmung nih a langhter. The Chin Journal

thawngpang dang relchap >>>>>>>>>

Thailand Cozah Nih Kawl Ralkap Facang A Kuatmi Cu A Dih Lak In KNU Nih An Tlaih Dih Than

Thailand special force pawl hna nih Kawl ralkap pawl hna caah facang bag 700 le thil dangdang hna cu free in a kuat mi hna kongah KNU ralbawizik pakhat nih thawngpang a theih bak in Thailand cozah cungah a lungsi lo nak le a thinhun nak a chim pin ah ralrinnak zong a pek hna ia tu hnu an tuah t’han a si ah cun Thailand cozah nih KNU ralkap zei ah an kan rel lo bia a si lai tiah a rak chim.

KNU nih cu bantuk bia a chim mi cu Thailand General Tat Commander nih cun Kawl ralkap cozah sin ah zei thil hmanh free in kan pe bal hna lo.Kawl ralkap nih ramri ah a chiah mi hna a ralkap pawl hna caah facang le Ciliah-haiba pawl hna cu ka herh tiah thawng a kan thanh bak tuk in a herh bau mi hna cu cawk dingah kan kuat mi tu a si tiah leh nak a tuah ve.

Thailand General Tat Commander nih fianternak a tuah hnu ah a dik le dik lo KNU nih kherhlai nak a tuah cawlh i, Thailand cozah nih Kawl ralkap pawl hna Facang le thil dangdang a kuat mi hna a phurtu motor hna cu lampi in a rak bawmh hna i Thailand cozah sin in a ra mi facang phurtu motor cu a tlaih dih tiah theih a si.

KNU ralkap nih an tlaih mi motor chungah hriamnam meithal tibantuk pawl cu a um hraw lo na in Thailand General Tat Commander nih a chim ning bantuk tein Facang bag 700 le Chiti, Piat tibantuk pawl lawng te an si.KNU nih Thailand ram in a rak lut mi motor an chawhkanh pah in Kawl ralkap pawl hna cu hmun tampi a kah doh pah hna i ramri ah mi zei hmanh kawl ralkap thil an pek chanh khawh lo dingin kan cawlcang lai tiah KNU nih a chim. worldnewsforchin