CDF-Hakha Nih Mipi Hna Cu Ralrinnak Le Thawngthanhnak Cathanh An Chuah Tak Cang
Chinland Defense Force – Hakha thawngthanh. Min Aung Hlaing le a ralhrang nih hramhram in uknak an lak mi kan duhlonak langhternak le dohthlennak kan tuah cu thaizing ( February 1st, 2022 ) ah kumkhat a tling lai.
Cu ni February Nikhat, 2022 ah Hakha peng chung ah kahdohnak fak a um khawh caah Hakha peng le Hakha Khuachung um mizapi nih umkal, khualtlawn le lenkai nan i ralrinnak lai thawng kan in thanh hna. A herh mi tirawl, si-ai le pumpak duhherh zong timhcia tein nan i chiahnak lai upatnak he mipi sin ah CDF-Hakha nih thawng kan in thanh hna. Chinland Defense Force – Hakha. The Independent Post
Rakhine ramkulh, Sittwe khua ah nihin January 31, zingka 9:00am hrawng ah ralhrang in pension a la cang mi hna le ralhrang chungkhar hna i fonh in ralhrang cohlannak lam an zawh. Cu ralhrang cohlannak lam a zawh mi cu minung 500-1000 kar an si i Sittwe khua, Vanlawng tual in lamzawhnak an thawk i Waybali(ဝေဘာလီ) tiang, May-Yuh lam hrawn in lam an zawh, tiah theih a si.
Ralhrang cohlannak lamzawhnak ah aa tel mi Sittwe khua, Aungmingalar sang ah a um mi U Khin Hlaing nih, “Nizan ah kan sang chung ah loud speaker in thaizing lamzawh a si lai, tiah thawng an kan thanh i lam kan zawh.
Kanmah ralkap in pension a la cang mi pawl le ralhrang chungkhar mi cheukhat zong lamzawh ah an i tel,” tiah a chim. Tu bantuk in ralhrang cohlannak lamzawhnak ah NUG le PDF kan herh hna lo, tiah lamzawh mi nih lam thluan ah an au, tiah theih a si. Credit; The Chin Post
Chin ramkulh, Kanpalet peng ah January 31 zinglei ah Kanpalet CDF le ralhrang karlak kahdohnak a chuak i ralhrang 3 an thi, midang tampi hliam an tuar tiah Kanpalet CDF sin in theih a si. Kanpalet khuapi Yan Aung Seti, pengkulh fimcawnnak uk zung le pengchung Twe Uk zung hna ah umhmun a khuar mi ralhrang hna cu nihin zing Sml 6 : 30 hrawng ah Kanpalet CDF nih an kah hna.
Kanpalet CDF in chimphuannak nawlngeitu nih, “kaphnih kahdohnak a um i sml 1:30 hrawng a rau. Ralhrang lei in 3 an thi i aa hliam mi zong an tam. Cu kahdohnak ah cun ralhrang lei nih an rak kan kah ve i kanmah lei a thi mi le a hliam mi um lo tein hnu kan tolh kho,” tiah a chim.
Ralhrang hna nih Chin ramkulh chung ah mipi inn le lo cu mei an khangh i an hrawh. Sualnak ngei lo mipi hna cu an tlaih hna i an thah hna. Cheukhat cu ralkham ah an hman hna. Mizapi thilri cu a fir i an satil hna cu an thah i an ei. Cu bantuk sualnak cu mipi cung ah an tuah peng rih. Kaphnih kahdohnak he pehtlai in a thi mi le a hliam mi kong cu ralhrang phu lei in thawng an thanh mi kan hmu rih lo. The Chin Post
